Matiyu 15:5 - Ipili Nutestamene

^5-6 Goteto wuane leane tekeko, yakamato wuane na-piyaini. Jia. Yakamato loto, wandakali mindimane balana angini yandopi, ayiane yandopi, okone-lapona mindi moyo minditaka maipe-pene guleya-kola teke, okonelapo lamawuato, nambato liyamba moyo minditaka gipe-pene tupa Gote mauyale mandeke pua yata ewa lalu, balato okonelapo moya napene konda yando, okone katu lalaini. Yakamato wuane lalaini okonemane yumbane tupana mana tupa wato minuyale, Gotena pii layene oko mo mee gulaya alaini.

Matiyu 15:5 Iomraidhean Croise

Matiyu 15:4

Wamba Goteto loo okone yata wato, nimbana angini, ayiane-la, okone-lapona pangosa atoto, nimbato okone-lapona pii ale amawua atape leaipia. Dee, wandakali mindimane balana angini yandopi, ayiane yandopi, okone-lapona mindi ando pii koo mindi leando, yakamato bala peyo ome lalapape leaipia.

Aposolo 4:19

Utupane-mane wuane leaini tekeko, Pita, Jone-lamane utupanena pii leaini okone yano peyoto, Goteto nalipa languato, liyambato minditaka andeapi tupapi, minditaka ale yapi tupapi, wandakali tupa lamai-yapape lea-kola, nalipato piape okone katulo konda napulu-peyapa leaipili-pia. Nalipato yakamana pii oko wato minuto, Gotena pii oko tanga loto, balana piape okone kondepando, Gotena wenonga nalipana mana okone tika-pene yolo-peyape lo yakama tane-mane nembo toto, yapa lo tale piyapape leapilipia.

Aposolo 5:29

Pitisa akali kawane okomane wuane lea-kola, Pitapi, aposolo akali waka tupapi, utupane-mane pii okone yano peyoto, nanimato wandakalina pii oko wato mina napene, Gotena pii oko angu wato minu atape-pene leainipia.