Matiyu 15:16 - Ipili Nutestamene

¹⁶ Wuane lea-kola, Jisasato balana disaipolo tupa tipa puato, yakamapi wai naene atoto, pii kokoli okonena tene oko nembo nateyaipe lea.

Matiyu 15:16 Iomraidhean Croise

Matiyu 13:51

Wuane lalu, Jisasato balana disaipolo tupa tipa puato, yakamato pii kokoli utupane pitakana tene tupa nembo teyaipe lea. Wuane lea-kola, utupane-mane bala lamawuato, nanimato nembo teyama leai.

Matiyu 15:10

Wandakali kambua amunguli peai-kola, Jisasato utupane mandaka ipulupa lea. Epeai-kola, balato utupane lamawuato, yakamato nambana pii ale wato, wayumane nembo talapape lea.

Matiyu 15:15

Wuane lea-kola, Pitato bala lamawuato, nimbato pii kokoli wamba lale okonena tene oko nanima langi lea.

Matiyu 15:17

Minditaka wandakalina nee asia okona aindaka leyai tupa pitaka ini anda-pango okona poto paleya-kola, ii too apialaini oko yakamato nembo nateyaipe.

Matiyu 16:11

Nambato betesa enene andayo pii naleyo-ko. Anu peakale yakamato wuane nembo nateyaipe. Nambato pii kokoli mindi yakama languato, Patasai tupapi, Satusi tupapi, utupane-mane mana langulai tupa palawa yangalaini pauta gulo yoto, yakama mo lawa piya olane. Waiwa ando atalapape leyo okoni. Jisasato wuane lea.

Matiyu 16:9

Wamba nambato betesa yau angu tale puato, akali tausene yau tupamane no embo yakale maewa-kola, yakamato akenane yane tupa basaketa nuu alesa tumbi laya wato, yata yai oko embesa eyaipe. Dee, nambato betesa yanasa angu tale puato, akali tausene tukumindi tupamane no embo yakale maewa-kola, yakamato akenane yane tupa basaketa nuu wataka tumbi laya wato, yata yai oko embesa eyaipe. Pii nambato leyo oko yakamato tatake eyaipe.

Maki 6:52

Wamba balato wandakali kambua wete tupa betesa mayane-angi, balana disaipolo tupamane bala Gotena Iwanane ya lo nembo natene, piape okone anu pua peyape lo tatake yainipia. Tene okonena, bala epea-kola, popo andane leane oko tepa ya-angi, utupane-mane moko wete loto, nembo kambua teainipia.

Maki 7:18

Wuane leai-kola, balato utupane tipa puato, yakamatopi pii kokoli okonena tene oko nembo nateyaipe leaipia. Wandakali-mane tomo neyai-kola, tomo okone utupanena yamapane okona anda-pango napalane. Jia. Minditaka moto, utupanena nee asia okona aindaka leyai tupa pitaka utupanena ini anda-pangosa peya-kola, ii too apialaini-ko. Wandakali-mane tomo mindi neya-kola, tomo okonemane Gotena wenonga utupane mo kalato ataya na-alane. Jisasato wuane leane okomane tomo yame tupa pitaka Gotena wenonga kalato ata napene teke-teke eya leaipia.

Maki 9:32

Wuane lea-kola, utupane-mane ale wato, balato aki nembo toto, wuane leyape lo tatake yaini tekeko, utupane-mane bala tipa puyale yuku yainipia.

Luku 18:34

Jisasato wuane leane tekeko, balana disaipolo tupamane balana pii okone ale wato, balato aki nembo toto, wuane leyape nembo natene, tatake yainipia.

Luku 24:45

Wuane lalu, utupane-mane Gotena pii pepa pelene eya utupanena tene tupa nembo teakale loto, Jisasato utupane moyaepia.

Luku 9:45

Jisasato wuane leane tekeko, pii okonena tene oko too pene guleaipia. Tene okonena, utupane-mane tatake wato, balato aki nembo toto, wuane leyape nembo nateaini tekeko, utupane-mane bala tipa puyale yuku yainipia.

Iputu 5:12

Yakama Kitisene gulalu ateai-kola, mali kambua pea-ko. Andipa yakamatopi Kitisene mana lamaiyane tisa atape-pene tekeko, yakama tane-mane mana kuai lo mia napene mee atalaini. Tene okonena, wamba bulupane yakama Kitisene guloyale atoto, pii mana meaini utupane wandakali mindimane dee lapone teke yakama mana langulu-peke lape-pene guleya-ko. Yakama tomo keato mindi nanape-pene. Jia. Yakama andu ipane nolo-peke lape-pene ateyai.