Luku 9:28 - Ipili Nutestamene

^28-32 Jisasato pii utupane lo koyo pea-kola, ole kitupasapi mindi peaipia. Pea-kola, matili balato Pita, Jemesa, Jone ima utupane atu aiyu yuu wangiane mindina pote lolo peaipia. Balato pote lo atea-kola, akali tepo utupane yakama limu palu ateainipia. Limu palu ateai-kola, Jisasana lee-ingapi tii wete pea-kola, balana tona peane tupa ake wete pea-kola, bala waka guleaipia. Waka gulea wete, Mosesa, Ilainja-la okonelapo ati kenga tii-pene oko towa atu epoto, Jisasa towa atu pii lalawa puato, matili Jisasa bala Jutusaleme poto, omalu, ika lalu, ati kenga polane okona pii lo ateainipia. Pii lalawa pua ateai-kola, Pita, Jemesa, Jone ima utupane yakama lee toto andeai-kola, Jisasana tii-pene okopi, lapo akali bala towa atu ateapele okolapopi, utupane andeaini-pia.

Luku 9:28 Iomraidhean Croise

Matiyu 14:23

Wuane lalu, balato wandakali kambua ateaini tupa pulupa lalu, bala angu yuu wangiane mindina pote lolo peaipia. Undupi lea-kola, bala angu wangiane okonena ateaipia.

Matiyu 5:1

Wandakali yame kambua-mane bala watama epeaini tupa andalu, Jisasa yuu wangiane mindina poto, petea-kola, utupane-mane bala peteanga epeainipia.

Maki 1:35

Waa loyale pea-kola, Jisasa bala ika lalu, kamaka poto, wandakali napalene yuu mindina pote lo ateaipia.

Maki 6:46

Pulupa lalu, bala yuu wangiane mindina pote lolo peaipia.

Luku 5:16

Utupane ipuku peaini tekeko, ole kambuanga balato wandakali napalene yuu tupana pote lolo puku peaipia.

Luku 6:12

Ole mindina Jisasa bala yuu wangiane mindina pote lolo peaipia. Poto, utulu bala limu pali napene, pote angu lo atea-kola, waa leaipia.

Luku 8:51

Wuane lalu, Jisasa bala wandakali utupane towa atu poto, Jaitusana andaka peakaiyu leainipia. Peakaiyu loto, Pitapi, Jonepi, Jemesapi, wana omeane okona angini ayianepi, utupane angu Jisasa towa atu anda-pango kolandaka loto, Jisasato wandakali waka tupa yakama pitaka kamaka atalapa leaipia.

Luku 9:18

Alu mindi, Jisasa balana disaipolo tupa towa atu atoto, bala angu pote lo ateaipia. Pote lo koyo piyu, balato utupane tipa puato, wandakali-mane namba andayo api ateya lalainipe leaipia.

Jone 6:3

Watama epeai-kola, balana disaipolo tupa towa atu bala yuu wangiane mindina puu iyu lalu, peteai.

2 Kotini 13:1

Wamba Kataisa bala ongo naene gulo atea-kola, wandakali-mane bala ita malamanda okona peyo yuka yaini tekeko, Goteto bala mo tai laya ya-kola, bala saka ongo ene atoto, yakamana tombenenga piape taimane pua atalane. Wuane pua teke, nanima aposolo akali tupapi ongo naene gulo ateyama tekeko, Goteto nanima mo tai laya ola-kola, nanima Kataisa towa saka atoto, yakamana tombenenga piape taimane pulu-peyama. Yakamato pii mindi loto, Poloto Kataisana pii oko nanima langiyane yando, balato wuane piyane lo nanima andawa lape-pene leyai okoni. Wamba ole lapone gulo namba yakama towa atu atema okone angi, wandakali minditupa-mane mana koo tupa minu ateai-kola, nambato Kataisana pii oko yakama langewa. Pii okone yakama languato, ole tepone gulo namba epewando, nambato kenda-pene andane mindi koo pua atolaini wandakali tupa pitakanga yata wakale lewa okoni. Andipa namba yakama towa atu ata napene, wandakali utupanepi, wandakali waka tupa pitakapi, pii mindiki okone teke wamba ini langeyo. Tene okonena, ole tepone gulo namba yakama ateyainga epolowa-angi, wandakali lapo yandopi, tepo yandopi, utupane-mane koo tene mindi Kitisene yangone mindinga yata wato, balato mana koo mindi minalane leaindo, nanimato pii okone enene ya lo nembo tape-pene.

Iputu 5:7

Wamba Jisasa bala Gesemani yuu okona atea-angi, Goteto bala moyando, bala oma napulu-peya nembo toto, balato ai lo yamataka loto, Gote nimbato namba moyape lo pote leaipia. Jisasa bala Gotena pangosa atoto, pote lea-kola, Goteto Jisasana pote leane okone ale wato, bala minu tai laya yaepia.

2 Pita 1:16

Wamba nanimato yakama languato, nanimana Akali Andane Jisasa Kataisa oko bala tai-lene wete ateya lo yakama langema okoni. Wuane loto, nanimato bala lapone peke lolopeya lo yakama langema tekeko, nanimato pii okonelapo yakama langema-angi, nanimato mee wandakali mindina nembo-tenenga ato ika leane pii temane mindi ale wato yakama langi napemane. Jia. Wamba nanimato lee-mane andema-kola, Gotena tii-pene okola, balana tai-lene okola, Jisasanga epeanga andalu, matili yakama langema.