Luku 9:10 - Ipili Nutestamene

¹⁰ Matili aposolo akali alesa tupa epo peke loto, utupane-mane piape waka-waka peaini tupa pitaka Jisasa lamai-yainipia. Lamai-yaikola, Jisasato wandakali waka tupa ateakale lalu, balana disaipolo tupa angu bala towa atu tano Betesaita lene okona peainipia.

Luku 9:10 Iomraidhean Croise

Maki 2:7

Anu peakale Jisasato wuane leyape. Akali-mane katulo wandakali yangone tupana koo tupa apia-mai na-piyaini. Jia. Goteto angu katulo wuane piyane-ko. Nambato nimbana koo tupa apia-geyo loto, Jisasato Gote lamba leya. Loo tupana mana andene akali tupamane wuane nembo teainipia.

Luku 10:17

Akali paiyasa yanasanga lapo tupamane poto, Jisasato piape piyapape leane tupa piyu, epele wato, Jisasa ateanga peke leainipia. Peke loto, utupane-mane bala lamawuato, Akali Andane, nanimato nimbana gene oko loto, sipitisa koo tupa peyo wataima-kola, sipitisa koo tupamane nanimana pii ale wato, wandakali tupa tepa alu pupiai leainipia.

Jone 1:44

Pilipi bala Endutu, Pita-la, okonelapo towa Betesaita tano okona tane ateai.

Iputu 13:17

Yakama Gotena yia sipisipi tupa ateyai-kola, sosa okona akali kawane ateyai tupamane yakama moyo ando atalaini. Matili utupane-mane Gote lamawuato, nanimato nimbana piape pua atema-kola, wandakali tupamane wua peaini lolopeyai. Sosa okona akali kawane utupane-mane mini kenda wato piape okone pua ateaindo, okonemane yakama katulo moya napulu-peya. Akali kawane utupane-mane piape okone epelewa peakale nembo toto, yakama akali utupanena pangosa atoto, utupanena pii ale amawua, wato minu atalapape.