Luku 8:37 - Ipili Nutestamene

^37-39 Wuane leai-kola, Getasa tane wandakali tupa pitaka-mane yuku-mane omoto, Jisasa nimba nanima tepa alu, puu leainipia. Wuane leai-kola, Jisasa bala sipi okona peakaiyu lo pitiyu, poyale pea-kola, akali wamba sipitisa koo atene ateane okomane Jisasa tee loto, namba towa baape leaipia. Baape lea-kola, Jisasato bala lamawuato, nimba peke loto, Goteto nimba moyo mangene piya tupa lo tawe yaape leaipia. Wuane lalu, Jisasa bala sipi okona pitiyu pea-kola, akali okone bala tano okona peke loto, Jisasato bala moyo mangene peane tupa wandakali tupa pitaka lamai yiake leaipia.

Luku 8:37 Iomraidhean Croise

Matiyu 8:34

Wuane leai-kola, tano okonena tane wandakali tupa pitaka-mane Jisasa malanda olo epoto, bala andeaini-pia. Andoto, utupane-mane bala taimane lamawuato, nimba nanimana yuu oko tepa alu puu leainipia.

Maki 5:17

lamaiya-kola, wandakali utupane-mane Jisasa taimane lamawuato, nimba nanimana yuu oko tepa alu puu leainipia.

Luku 5:8

Okone angi, akali Sepiti iwanane Jemesa, Jone-la, okonelapo Saimone Pita towa atu piape pua ateainipia. Saimonepi, bala towa atu ateaini akali tupapi, utupane pitaka-mane pisa kambua meaini tupa andoto, moko leainipia. Moko loto, Saimone bala Jisasa ateanga mandaka poto, aiki lekawa tombawua loto, Akali Andane, namba akali koo wete ateyo-ko. Nimbato namba tepa alu puu leaipia. Wuane lea-kola, Jisasato Saimone lamawuato, andipa ato tewa, nimbato wandakali tupa saka atapowa ateakale lo mo amunguli pula-ko. Nimba yuku olene leaipia.

Luku 8:36

Yuku yai-kola, lee-mane andeaini akali utupane-mane wandakali utupane lamawuato, Jisasato sipitisa koo tupa pulupa loto, akali okone mo atu yala-kola, yia tupa ipa angini okona peakoto, ipa nalu, omalai leainipia.

Luku 9:5

Yakamato tano mindina polai-kola, wandakali tupamane yakamana pii lolai tupa ale naene, yakama yatawa pali napeaindo, yuu okonena atalaini wandakali yakama tane koo mindi piyama ya lo nembo teakalenga, yakamana sukeenga yuu kangalamu atolane tupa tanda lo tepa alu, yakama yuu waka mindina pulupape.

Luku 9:56

Wuane lalu, Jisasa balana disaipolo tupa towa yuu okone tepa alu, tano waka mindina peainipia.

Aposolo 16:39

Yuku wato, jasa utupane katapusa anda okona poto, akali okonelapo lamawuato, liyamba Lomo tane atapiapi oko anda napene, nanimato mana koo liyambanga minaima oko lo ondo eyama leainipia. Wuane lalu, jasa utupane-mane akali okonelapo atu kamaka epoto, akali okonelapo lamawuato, liyamba tano oko tepa alu pulupa-kae leainipia.