Wuane pua atea-kola, wandakali minditupa Sitiya potopinjia okona yuu tupa pitakana poto, balato wuane peya loto, pii lo tawe yainipia. Pii okone lo tawe yai-kola, wandakali-mane yangone siki pelene tupa pitaka Jisasa ateanga atu aiyu ipuku peainipia. Tandaka andane no atalaini wandakali tupapi, sipitisa koo atene wandakali tupapi, yuunga lomba-pene yoto, putiti peyalaini wandakali tupapi, kulini manda-tene wandakali tupapi, wandakali okonepene tupa atu ipuku peai-kola, Jisasato wandakali utupane pitaka mo atu yaka peaipia.
Luku 8:36 - Ipili Nutestamene36 Yuku yai-kola, lee-mane andeaini akali utupane-mane wandakali utupane lamawuato, Jisasato sipitisa koo tupa pulupa loto, akali okone mo atu yala-kola, yia tupa ipa angini okona peakoto, ipa nalu, omalai leainipia. Faic an caibideil |
Luku 8:36
2 Iomraidhean Croise
Wuane leai-kola, Getasa tane wandakali tupa pitaka-mane yuku-mane omoto, Jisasa nimba nanima tepa alu, puu leainipia. Wuane leai-kola, Jisasa bala sipi okona peakaiyu lo pitiyu, poyale pea-kola, akali wamba sipitisa koo atene ateane okomane Jisasa tee loto, namba towa baape leaipia. Baape lea-kola, Jisasato bala lamawuato, nimba peke loto, Goteto nimba moyo mangene piya tupa lo tawe yaape leaipia. Wuane lalu, Jisasa bala sipi okona pitiyu pea-kola, akali okone bala tano okona peke loto, Jisasato bala moyo mangene peane tupa wandakali tupa pitaka lamai yiake leaipia.
Sanasan