Luku 8:18 - Ipili Nutestamene

¹⁸ Wandakali mindimane Gotena pii oko wayumane bilipi leando, Goteto wandakali okonena bilipi oko minu tai laya ola-kola, wandakali okonemane Gotena pii okone bilipi leyo nayu lolopeya. Wandakali mindimane Gotena pii oko bilipi leyo nayu nalene, mee owato bilipi lene gulo ateando, Sataneto akali okonena bilipi oko mo alu piya olopeya-ko. Yakamato Gotena pii oko anu pua ale eyamape nembo toto, wayumane ale eyo nayu alewa atalapape. Jisasato wuane leaipia.

Luku 8:18 Iomraidhean Croise

Maki 13:14

Pepa oko ando dii lolai wandakali yakamato pii nambato andipa pepa peleyo oko wayumane nembo talapape. Wamba Jisasato pii mindi tako pua loto, wandakali yame waka tupamane owato gote mindi waa puato, Gotena lotu anda andane okona ate lolopeyai leaipia. Wuane napipe-pene tekeko, matili utupane-mane wuane pulupeyai. Goteto andola-kola, balana wenonga owato gote okonemane balana lotu anda epene wete okone mo kalato ataya ola-kola pulupeya. Yakamato andolai-kola, minditaka koo wetete okone lotu anda okona atolanga andolai-angi, Jutiya disitiki okona atolaini wandakali tupa yuu wangiane tupana palaka pupe-pene gulolo-peya.

Luku 19:26

Wuane leai-kola, kiŋi okomane utupane lamawuato, wandakali mindimane minditaka balanga yola tupa kuai lo ando yatawa ateando, Goteto minditaka konda pua bala malupeya leaipia. Wuane tekeko, wandakali mindimane minditaka balanga yola tupa kuai lo ando ata napeando, minditaka aŋako balanga yola tupa Goteto lopo molopeya.

Jone 15:2

Namba Ayiane okomane ee okone ando atoto, dini lia na-piyaini kembone tupa pitaka yando apialane. Dini lialane kembone epene tupa pitaka-mane dini minditupa tako pua liakale nembo toto, balato kembone utupane waa puato, utupanena yokone koo tupa pitaka onde lo apialane.

Aposolo 10:33

Wuane lapia-kola, okone angi teke nambato nimba epola loto, akali minditupa-mane nimba lamolo epeakale lauwa-ko. Nimba wayu epeleya. Nimbato pii lola lo Goteto nimba langeane tupa andipa nimbato nanima langula loto, nanima pitaka Gotena wenonga ale olo epo peteyama. Koniliasato wuane leaipia.

Aposolo 17:11

Juta yame wandakali Betiya tano okonena ateaini utupane-mane Juta yame wandakali Tesalonaika tano okona ateaini tupa ita minuto, mana epene wete mindi mineaini-pia. Mana epene okone minuto, utupane-mane pii Poloto leane tupa epelewa ale wato, enene leyape lo yapa lo tale puyale, Gotena pii pepa pelene eya tupa ole dindi lo wayumane dii lo ando ateainipia.

Lomo 12:3

Anu peakale nambato wuane leyope. Wamba Goteto namba ondowa moyoto, namba balana aposolo akali atoto, piape oko pula lo namba tepe leane. Tene okonena, nambato yakama wandakali mindiki-mindiki lo pitaka pii minditupa languato, wua leyo: Nanimana umbaini mindiki okona kinipi, kenepi, lenepi, alenepi, okonetaka kambua tupapi, utupane pitaka-mane piape waka-waka piyaini. Wuane pua teke, Kataisa lo bilipi lalamane wandakali nanima kambua ateyama tekeko, nanima pitaka Kataisana yame mindiki ateyama. Wuaneko, nanima pitaka yame mindiki angu atoto, nanima mindiki-mindiki lo Kataisa lo bilipi lene wandakali waka tupa pitakana yangone ateyamako. Yakama mindiki-mindiki lo wandakali yangone tupa sia minu, lipinga yale ateyo nembo na-talapape. Jia. Wuane nembo natene, Goteto yakama mindiki-mindiki lo bilipi giyane pua teke, kuai lo nembo toto, nimba tane katulo wua pulupeyo nembo tape.

1 Kotini 3:18

Goteto wuane pulupeya nembo toto, balana pii pepa pelene eya mindimane wua leya: Wandakali mindi bala tane wai-ene ateyo nembo toto, wandakali waka tupa minakasa oyale, mangene mindi peya-kola, Goteto mangene okone nongo mindi gulaya eya-kola, wandakali okone bala tane nongo okonena lialane layene eya. Dee, Gotena pii pepa pelene eya waka mindimane loto, Goteto andeya-kola, wandakali mindimane bala tane wai-ene ateyo nembo toto, mangene minditupa pukale nembo talane tupa dini epene mindi lia napulu-peyai lo andalane layene eya. Wuaneko, yuu okona wandakali tupamane wai-ene ateyai nembo toto, mangene mindi piyaini tekeko, Goteto utupane kee-ene atoto, mangene okone peyai nembo talane lo andeyama. Tene okonena, wandakali mindikipi mindimane bala tane wai-ene ateyo nembo toto, bala tane minakasa aa nape-pene. Jia. Wandakali mindimane bala tane wandakali waka tupana wengonga wai-ene ateyo nembo teando, wandakali okone bala Gotena wenonga wai-ene atokale nembo toto, wandakali waka tupana wenonga kuate minene gulo atape-pene.

Pilipai 3:4

Wandakali minditupa-mane kopeta nembo toto, Goteto wandakalina umbaini kenga mana okonepene tupa andoto, utupane yapa lo tale pulupeya nembo talaini tekeko, Goteto wandakalina umbaini kenga mana tupa andoto, utupane yapa lo tale piyae pia-yale, balato namba Polona gene oko laiyu loto, namba akali waka tupa sia minuto, akali epene tika-pene wete ateya lapia-yale nembo teyo.

Iputu 2:1

Goteto wuane leane okonena, nanimato balana iwanane oko awua tepa wato, masia maulumane. Tika ando atoto, balana pii wamba ale ema tupa wayumane nemboto tatawa atamakale.