Luku 7:30 - Ipili Nutestamene

³⁰ Wuane tekeko, loo tupana mana andene akali tupapi, Patasai tupapi, utupane-mane Gotena pii tanga loto, Joneto yakama ipa peya-gii nalene, konda yainipia.

Luku 7:30 Iomraidhean Croise

Matiyu 22:35

Akali utupanena mindi bala loo tupana mana kambua andene akali loya mindi ateaipia. Balato Jisasa minu makande puyale pii mindi bala tipa pea.

Luku 13:34

Wuane lalu, Jisasato pii waka mindi loto, akatupi, Goteto pii akali minditupa Jutusaleme yuu okona epeakale lea-kola, Jutusaleme tane wandakali yakamato akali utupane ana-mane peya, potopesa akali tupa peyo ome laa, peaini leaipia. Eka angini-mane balana andopane tupa papakane pangosa yapu lo ombo alane pua, nambato ole kambuanga Jutusaleme tane wandakali yakama mo amunguli puato, ando atokale nembo tewa tekeko, yakamato jia leai.

Luku 7:31

Wandakali yame andipa ateyai tupamane wuane peyai okonena, utupane yakama wandakali anu-pene ateyaipe. Nambato utupane aki mindi towa makande puape.

Lomo 10:21

Aisayato wandakali utupane andayo wuane leane tekeko, balato pii mindi Goteto Isatale tane wandakali tupa andayo leane oko pepa peyoto, ole dindi lo utulu otongapi, nambato Isatale tane tupa molo-peke lokale nembo toto, kii pundi pua moto, maliyo atewane tekeko, utupane yakama tuu pua atoto, nambana pii tanga lo ateaini leaipia.

2 Kotini 6:1

Wamba Goteto nanima languato, nambato wandakali taputi pua molane oto epene mindi yata ewane oko epea-kola, nambato nimbana pii oko ale wato, nimba moyewa lea. Nanimato Kotini tane wandakali yakama languato, yakama taputi pua molane oto epene Goteto wamba yata yane oko andipa epo eya leyama. Taputi pua molane oto oko epo eya-kola, balato yakama ondowa moyo ateya-kola, yakamato okone mee ya lo nembo toto, tepa olaini. Yakamato wuane pulaini nayuto, nanimato Gote towa atu piape pua atoto, yakama langeyama nayu leyama.

Galesia 2:21

Wandakali-mane Gotena loo tupa wato minulai-kola, Goteto wandakali utupane tika-pene ateyai lolopeya pia-yale, Kataisa bala omeane oko mee omeane gulatane atapia-yale. Wuane tekeko, wandakali-mane Gotena loo tupa wato minulai-kola, Goteto wandakali utupane tika-pene ateyai nalolo-peya. Tene okonena, Goteto namba ondowa moyo ateya-kola, nambato okone mo apia na-piyawane. Jia wete.

Epesasa 1:11

Goteto minditaka mindi pukale nembo talane tupa enene piyane. Kataisato nanima moyalane lo bilipi leyama Juta yame wandakali nanimato Gote balanga tai lenepi, tii-penepi, utupane pitaka yene nembo toto, balana gene oko laiyu lo atalapale nembo toto, Goteto nanima wamba ini bulupane balana yame atalapale lata yaepia.