Luku 6:12 - Ipili Nutestamene

¹² Ole mindina Jisasa bala yuu wangiane mindina pote lolo peaipia. Poto, utulu bala limu pali napene, pote angu lo atea-kola, waa leaipia.

Luku 6:12 Iomraidhean Croise

Matiyu 5:1

Wandakali yame kambua-mane bala watama epeaini tupa andalu, Jisasa yuu wangiane mindina poto, petea-kola, utupane-mane bala peteanga epeainipia.

Matiyu 6:6

Nimbato pote lole-angi, wandakali utupane-mane piyaini pua napipe. Jia. Nimba palilini lumu okona kolandaka loto, asia tuma puato, Ayiane Gote oko ando pote lape. Nimbato too pua pote lole-kola, balato nimbana mana okone andoto, yole mindi nimba gulupeya.

Maki 1:35

Waa loyale pea-kola, Jisasa bala ika lalu, kamaka poto, wandakali napalene yuu mindina pote lo ateaipia.

Maki 3:13

Akali minditupa balana disaipolo ateakale nembo toto, Jisasa bala yuu wangiane mindina iyu poto, utupane ipulupa lea-kola, utupane-mane bala ateanga epeainipia.

Maki 6:46

Pulupa lalu, bala yuu wangiane mindina pote lolo peaipia.

Luku 5:16

Utupane ipuku peaini tekeko, ole kambuanga balato wandakali napalene yuu tupana pote lolo puku peaipia.

Luku 6:11

Sambasa angi, Jisasato akali okone mo atu ya-kola, loo tupana mana andene akali tupapi, Patasai tupapi, utupane-mane yataka-mane omoto, yakama teke-teke mindi lamai-lamai puato, nanimato bala towa anu pimape leainipia.

Luku 6:17

Jisasa balana disaipolo tupa towa yuu wangiane okone tepa alu, puu nena loto, yuu lama tika-pene mindina ateaipia. Atea-kola, solewata matenenga Taya, Saitone-la, tano okone-lapona tanepi, Jutusaleme tanepi, Jutiya disitiki pitakana tanepi, bala towa atu atalaini wandakali kambua wete balana pii ale olo epeainipia. Wandakali siki palene tupamane Jisasa wata yai-kola, Gotena tai-lene andane balanga paleane okomane utupanena siki tupa mo atu yaka peaipia. Wamba sipitisa koo tupamane wandakali minditupa minu koyaini tekeko, wandakali utupane-mane Jisasa wata yai-kola, sipitisa koo utupane-mane wandakali utupane tepa alu peai-kola, utupane atu yainipia. Tene okonena, utupanena siki tupa atu yakale nembo toto, wandakali siki pelene tupa pitaka-mane balanga wata aka puyale epeainipia.

Luku 9:18

Alu mindi, Jisasa balana disaipolo tupa towa atu atoto, bala angu pote lo ateaipia. Pote lo koyo piyu, balato utupane tipa puato, wandakali-mane namba andayo api ateya lalainipe leaipia.

Luku 9:28

Jisasato pii utupane lo koyo pea-kola, ole kitupasapi mindi peaipia. Pea-kola, matili balato Pita, Jemesa, Jone ima utupane atu aiyu yuu wangiane mindina pote lolo peaipia. Balato pote lo atea-kola, akali tepo utupane yakama limu palu ateainipia. Limu palu ateai-kola, Jisasana lee-ingapi tii wete pea-kola, balana tona peane tupa ake wete pea-kola, bala waka guleaipia. Waka gulea wete, Mosesa, Ilainja-la okonelapo ati kenga tii-pene oko towa atu epoto, Jisasa towa atu pii lalawa puato, matili Jisasa bala Jutusaleme poto, omalu, ika lalu, ati kenga polane okona pii lo ateainipia. Pii lalawa pua ateai-kola, Pita, Jemesa, Jone ima utupane yakama lee toto andeai-kola, Jisasana tii-pene okopi, lapo akali bala towa atu ateapele okolapopi, utupane andeaini-pia.

Jone 6:3

Watama epeai-kola, balana disaipolo tupa towa atu bala yuu wangiane mindina puu iyu lalu, peteai.

Kolosi 4:2

Wamba nambato Kataisana pii too pitane ateane oko wandakali tupa lamawua atewa-kola, akali minditupa-mane namba andi leai. Andipapi nambato Kataisana pii okone lamawua atape-pene guleya. Tene okonena, nanimato balana pii okone lamai-yapale loto, Goteto nanimana asini mindi lumbu tepa yakale lo, yakamato nanima moyo pote lalapape. Wuane puato, ole dindi lo yakama tane tika ando atoto, Gote ando wayu pele loto, pote lalapape.

Iputu 5:7

Wamba Jisasa bala Gesemani yuu okona atea-angi, Goteto bala moyando, bala oma napulu-peya nembo toto, balato ai lo yamataka loto, Gote nimbato namba moyape lo pote leaipia. Jisasa bala Gotena pangosa atoto, pote lea-kola, Goteto Jisasana pote leane okone ale wato, bala minu tai laya yaepia.