Luku 6:11 - Ipili Nutestamene

¹¹ Sambasa angi, Jisasato akali okone mo atu ya-kola, loo tupana mana andene akali tupapi, Patasai tupapi, utupane-mane yataka-mane omoto, yakama teke-teke mindi lamai-lamai puato, nanimato bala towa anu pimape leainipia.

Luku 6:11 Iomraidhean Croise

Matiyu 16:7

Wuane lea-kola, balana disaipolo tupamane ale apulu, yakama teke-teke pii lalawa puato, nanimato betesa mo mandi napene, mee epalama okonena, balato wuane leya leai.

Matiyu 21:45

Jisasato wuane lea-kola, pitisa akali kawane tupapi, Patasai tupapi, utupane-mane ale wato, balato pii kokoli utupane nanima andayo leya nembo teai.

Luku 4:28

Jisasato wuane lea-kola, lotu anda okona wandakali peteaini tupa pitaka-mane balana pii leane tupa ale wato, bala towa yataka andane wete yainipia.

Luku 6:10

Wuane lalu, Jisasato wandakali peteaini tupa pitaka lee-mane anda amo nena piyu, akali okone lamawuato, nimbana kii oko yo laa leaipia. Akali okonemane Jisasato leane pua pea-kola, balana kii oko atu wete yaepia.

Luku 6:12

Ole mindina Jisasa bala yuu wangiane mindina pote lolo peaipia. Poto, utulu bala limu pali napene, pote angu lo atea-kola, waa leaipia.

Jone 11:47

Lamai-yaikola, Patasai tupapi, pitisa akali kawane tupapi, utupane-mane akali kanjole tupa epeakale lo mo amunguli puato, akali okonemane metekolo piape kambua piyane leainipia. Balato metekolo piape kambua pua ateakale loto, nanimato ando kondemando, wandakali tupa pitaka-mane bala lo bilipi lolai-kola, Lomo tane gapomane ami tupa epoto, Juta yame wandakali nanima minu koyalu, nanimana lotu anda andane oko keao lo apolopeyai. Wuane pulaini nembo toto, nanimato anu piamape leainipia.

Jone 7:1

Jutiya disitiki okona Juta yame akali minditupa-mane Jisasa peyo ome laima lakae lo nembo toto, bala aiya pua ateai-kola, bala Jutiya disitiki okona epoko pua ata napukale nembo toto, Galili disitiki okona angu epoko pua atea.

Aposolo 26:11

Ole kambuanga namba Juta yamena lotu anda tupa pitakana kolandaka laka puato, kenda-pene andane tupa Kitisene wandakali peteaini tupanga maiki pewane. Nambato utupane lamawuato, yakamato Jisasa masia mawuato, bala ando pii koo lalapa lewane. Nambato Kitisene wandakali tupa ando yataka andane wete wato, tano amonga wete yane tupana poto, kenda-pene andane tupa utupane maiki pua, epoko pua atewane.

Aposolo 4:15

Tene okonena, akali andane utupane-mane Pita, Jone-la, liyamba kanjole yamena anda oko tepa alu peakale loto, yakama teke-teke pii lalawa peainipia.

Aposolo 4:19

Utupane-mane wuane leaini tekeko, Pita, Jone-lamane utupanena pii leaini okone yano peyoto, Goteto nalipa languato, liyambato minditaka andeapi tupapi, minditaka ale yapi tupapi, wandakali tupa lamai-yapape lea-kola, nalipato piape okone katulo konda napulu-peyapa leaipili-pia. Nalipato yakamana pii oko wato minuto, Gotena pii oko tanga loto, balana piape okone kondepando, Gotena wenonga nalipana mana okone tika-pene yolo-peyape lo yakama tane-mane nembo toto, yapa lo tale piyapape leapilipia.

Aposolo 5:33

Pitato wuane lea-kola, kanjole yame utupane yakamato pii okone ale wato, yataka andane wete wato, aposolo akali tupa peyo ome lamakale nembo teainipia.

Aposolo 7:54

Sipeneto pii leane okone ale wato, Juta yamena kanjole tupamane bala towa yataka wete wato, yakamana nene giti-gete leainipia.

2 Timoti 3:9

Wamba Isatale tane wandakali tupamane andeai-kola, Janisa, Jambitisa-la, okone-lapona mana oko kee ene ya lo andeaini-pia. Wuane pua teke, matili wandakali pitaka-mane andolai-kola, akali utupane yakama kee ene gulo atoto, mana koo utupane mineyai lo andoto, akali utupanena mana koo utupane lo tawe nayolopeya. Jia.