Luku 5:7 - Ipili Nutestamene

⁷ Wuane pea-kola, piape piyaini akali sipi mindokona peteaini tupamane yakama moyolo epeakale loto, utupane-mane kii pundi peainipia. Kii pundi peai-kola, akali utupane epoto, sipi okonelapo lapotakana pisa mo mandeai-kola, sipi okonelapo ipa pangosa landa peyoyale peaipia.

Luku 5:7 Iomraidhean Croise

Maki 4:36

Maa lea-kola, wandakali amunguli peaini tupa ateakale lalu, balana disaipolo tupa sipi bala peteane okona peakaiyu lalu, bala towa atu peai-kola, sipi waka minditupa utupane towa atu teke peainipia.

Luku 5:6

Jisasato leane pua Pitapi, bala towa atu peape peaini akali tupapi, utupane-mane umbene nuu tupa ipanga tepa yai wete, pisa kambua wete umbene nuu tupana epo paleai-kola, umbene nuu tupa tumbi loto, lete loyale peaipia.

Luku 5:8

Okone angi, akali Sepiti iwanane Jemesa, Jone-la, okonelapo Saimone Pita towa atu piape pua ateainipia. Saimonepi, bala towa atu ateaini akali tupapi, utupane pitaka-mane pisa kambua meaini tupa andoto, moko leainipia. Moko loto, Saimone bala Jisasa ateanga mandaka poto, aiki lekawa tombawua loto, Akali Andane, namba akali koo wete ateyo-ko. Nimbato namba tepa alu puu leaipia. Wuane lea-kola, Jisasato Saimone lamawuato, andipa ato tewa, nimbato wandakali tupa saka atapowa ateakale lo mo amunguli pula-ko. Nimba yuku olene leaipia.

Aposolo 11:25

Andiyoko tane wandakali kambua-mane Jisasa lo bilipi leai-kola, Soloto bala moyolo epeakale nembo toto, Banapasa bala Tasasa tano okona poto, bala aiya peaipia.

Galesia 6:2

Akali gene nayene mindi bala tane akali gene yene mindi ateyo nembo teando, akali okone bala tane andakasa ola-kola pulupeya. Balato wuane pulupeya tekeko, wandakali mindimane wandakali yangone kenda-pene andane awua atolai tupa moyando, balato mana epene Kataisato yata yane oko wato minula-kola pulupeya. Tene okonena, yakama tane wandakali gene yene ateyama nembo natene, wandakali yangone kenda-pene andane awua atolai tupa moyaka pua atalapape.

Pilipai 4:3

Wamba Kelemenepi, namba towa atu piape mindiki pemane wandakali waka tupapi, nanimato Gotena pii layene epene oko wandakali tupa lamawua atema-angi, wanda Yutiya, Sindike-la, okonelapo nanima towa potomane loto, piape mindiki okone teke masiawa pua peteapili leyo. Wandakali utupane pitakana gene tupa Gotena wandakali saka atapowa atolane gene yalane buku okona gene peya-yene eya. Andipa wanda okonelapo liyamba nembo mindiki palu peteakale, namba towa atu piape mindiki pua atepa akali nimbato okonelapo moyape lo tee leyo.