Luku 5:34 - Ipili Nutestamene

^34-35 Wuane leai-kola, Jisasato utupane tipa puato, akali mindimane wanda mindi kee loto, balana amene tupamane bala towa atu atolopeyai. Atolai-kola, yakamato katulo balana amene utupane lamawuato, yakama pote kambua loyale, ole ukupini mindilapo tomo nanene atalapa lolo-peyaipe leaipia. Okone angi, yakamato katulo wuane nalolo-peyai tekeko, matili akali minditupa-mane wanda kee lolane akali okone andi lo awua polopeyai. Okone angi, balana amene tupamane pote kambua loyale, ole ukupini mindilapo tomo nanene atolopeyai leaipia.

Luku 5:34 Iomraidhean Croise

Matiyu 9:15

Wuane leai-kola, Jisasato utupane tipa puato, akali mindimane wanda mindi kee loto, balana amene tupa towa atu ateyai-kola, balana amene utupane-mane mini kenda alainipe lea. Jia. Okone angi utupane-mane mini kenda aa na-piyaini tekeko, matili akali minditupa-mane bala andi lo awua polai-angi, balana amene tupamane pote kambua loyale, ole ukupini mindilapo tomo nanene atolopeyai lea.

Luku 5:33

Jisasato wuane lea-kola, Patasaipi, loo tupana mana andene akalipi, utupane-mane bala lamawuato, ole kambuanga Jonena disaipolo tupapi, Patasai tupana disaipolo tupapi, utupane-mane pote kambua loyale, ole ukupini mindi tomo nanene atalaini tekeko, nimbana disaipolo tupamane tomo ipapi naa teke-teke piyaini okonde leainipia.

Jone 3:29

Akali mindimane wanda mindi kee leya-kola, wanda okone balana wetene gulo pitiyane. Akali okonemane wanda okone kee leyo nembo toto, pii leya-kola, akali okonena amene okomane balana pii okone ale wato, epele alane. Wuane pua teke, sosa oko Jisasana wetene gulo pitiyane. Bala lo bilipi lene wandakali tupa balana yame gulo peteyai nembo toto, balato pii leya-kola, nambato balana pii okone ale wato, epele wete eyo.