Luku 4:14 - Ipili Nutestamene

^14-15 Oli Sipitisa okomane Jisasa minu tai laya ya-kola, bala Galili disitiki okona peke loto, Juta yamena lotu anda tupana poto, pii mana lamawua ateaipia. Pii mana lamawua atea-kola, balana pii ale yaini wandakali tupa pitaka-mane balana gene oko laiyu loto, Jisasato wua lapia leai-kola, Galili disitiki okona wandakali ateaini tupa pitaka-mane ale yainipia.

Luku 4:14 Iomraidhean Croise

Matiyu 4:12

Wamba Galili disitiki okona wandakali yame waka minditupa ipa Jotane amo yangi ateai-kola, potopesa akali Aisayato pii mindi utupane lamawuato, Sepulane, Napatali-la, yame okone-lapona yuu mindi ipa angini Galili okona matenenga mandaka atalaini wandakali yame waka tupa yakamato ale alapape. Wamba wandakali minditupa undupi pangosa atoto, omene gulo ateaini tekeko, matili tii-pene andane mindi epea-kola, utupane-mane tii-pene okone andeaini leaipia. Matili Etoteto Jone andi lea-angi, Jisasato pii temane okone ale wato, Galili disitiki okona peke leaipia. Peke loto, balato pii wamba Aisayato leane okone enene guleakale nembo toto, Nasatesa tano oko tepa alu, Sepulane, Napatali-la, yame okone-lapona yuu okonena peaipia. Poto, ipa angini Galili okona matenenga Kapaneame tano okona ateaipia.

Matiyu 9:26

Jisasato wana okone saka pitulu-peke laya ya-kola, wuane piya lo wandakali tupamane pii temane okone yuu ukusane yene tupa pitakana lo tawe yainipia.

Matiyu 9:31

Jisasato wuane leane tekeko, akali okonelapo liyamba poto, Jisasato liyambana lee mo tee laya apiane lo pii temane okone yuu ukusane yene tupa pitakana lo tawe yapelepia.

Maki 1:14

Matili Jone andi latane atea-kola, Jisasa bala Galili disitiki okona poto, Gotena pii layene epene oko lamaiki peaipia.

Maki 1:28

Wuane loto, wandakali utupane-mane Galili disitiki yuu tupa pitakana poto, pii okone lo tawe yainipia.

Luku 4:13

Wuane lea-kola, Sataneto Jisasa minu mandeke pikoyo piyu, bala tepa alu poto, alu mindi bala lapone mandeke pukale lo maliyo ateaipia.

Luku 4:37

Wuane loto, utupane-mane Kapaneame tano okona mandaka-yale yuu yane tupa pitakana poto, pii okone lo tawe yainipia.

Jone 4:43

Wamba Jisasa bala tane pii mindi loto, potopisa akali mindi balana yuu tene okona ateando, balana yuu tene okona atalaini wandakali tupamane balana gene oko laiyu na-lalaini leaipia. Pii okone nembo toto, Jisasa bala Galili disitiki okona pea.

Aposolo 10:37

Wamba Joneto wandakali yakama ipa mialapa lo pii lamawuato, Jisasa ipa peya maiya-kola, Goteto Oli Sipitisa oko Jisasa maiyu, balana tai-lene oko balanga mayaepia. Maiyu, Nasatesa tane Jisasa okonemane balana piape peakale loto, Goteto bala towa atu ateapele-pia. Jisasato Galili disitiki okona atoto, balana piape tewa piyu, matili balato Jutiya disitiki okona yuu tupa pitakana poto, piape peaipia. Balato mana epene tupa wandakali tupanga minu epoko puato, wandakali Sataneto minu koyane tupa pitaka mo kuai laka peaipia. Yakamato temane utupane pitaka wamba ale yai okoni.