Luku 3:11 - Ipili Nutestamene

¹¹ Wuane leai-kola, Joneto utupanena pii leaini okone yano peyoto, singilisa lapo yolane wandakali okomane singilisa nayene atolane wandakali okone tale pua maipe-pene. Tomo no atolane wandakali okomane balana tomo tale puato, minditupa tomo nanene nonowa atola wandakali oko maipe-pene leaipia.

Luku 3:11 Iomraidhean Croise

Matiyu 25:40

Wuane lolai-kola, kiŋi okonemane utupane lamawuato, nambato pii enene mindi yakama langeyo. Wamba yakamato nambana wandakali yangone gene nayene wete utupanena mindi moyai okomane yakamato namba moyai-kola peai lolopeya.

Luku 11:41

Yakama tanena umbaini kenga angu wasa-wasa peya napene, yakamato wandakali jia yo ateyai tupa ondowa moyoto, tomo pelesa tupanga yalane tupa neakale maiyapape. Maulai-kola, yakamana umbaini, yamapane-la, okonelapo lapotaka kalato nayene atolopeyai.

Luku 18:22

Pii leane okone ale wato, Jisasato bala lamawuato, mana epene mindiki angu nimbato wato mina napilini leaipia. Wandakali waka tupamane nimbana minditaka eya tupa pitaka kambeakale lape. Kambolai-kola, nimbato muni mole tupa wandakali tipia tupa maipe. Wuane peendo, matili nimbana minditaka epene wetete tupa ati kenga yola-ko. Andipa nimba namba watama ipu leaipia.

Luku 19:8

Utupane-mane wuane leaini tekeko, Sakiasato Akali Andane Jisasa oko lamawuato, wamba nambato owato pii loto, wandakali mindinga takisa muni minditupa konda pua mialawae yando, andipa nambato paini ole tukumindinga yano peyo mauwakale leaipia. Wuane piyu, nambana minditaka eya tupa pitaka atutu lo tale puato, minditupa wandakali tipia tupa mauwakale leaipia.

Aposolo 10:2

Akali okonepi, bala towa anda mindikina palu atalaini wandakali tupapi, utupane pitaka-mane Gote yuku amawuato, mana balato epele alane tupa wato minalaini-pia. Balato mana utupane wato minuto, Juta yame wandakali minditaka jia yo atalaini tupa moyo minditaka kambua tale pua maiki piyaepia. Ole dindi lo bala Gote lo pote lalaepia.

Aposolo 10:31

Epo atoto, akali okonemane namba languato, Koniliasa, wandakali minditaka jia yene tupa moyo nimbato minditaka mailini tupa Goteto nembo tatawa ateya. Nimbato pote lalene tupa balato ale apia.

Aposolo 10:4

Wuane lea-kola, Koniliasato enjole okone andoto, yuku wete wato, Akali Andane, nimbato aki mindi loyale nambana gene oko lelepe lo tipa peaipia. Wuane lea-kola, enjole okonemane bala lamawuato, nimbato wandakali minditaka jia yo atalaini tupa moyo minditaka tupa tale pua maiki puato, pote lalene. Goteto nimbana mana epene okonelapo andoto, nembo tatawa ateya-ko.

Epesasa 4:28

Pake nene wandakali tupamane dee lapone pake naa nape-pene. Jia. Utupane-mane wandakali tipia tupa moyo minditaka tupa tale pua mai-makale nembo toto, yakamana kini-mane piape epene tupa tailo pua atape-pene.

1 Timoti 6:17

Nanima epelewa atalapale nembo toto, Goteto minditaka nanimanga yalane tupa pitaka nanima giyane. Balato wuane piyane okonena, minditaka kambua yatawa ateyai wandakali tupamane atapene tene mo ata napipe-pene. Yuu okona minditaka koyalane kambua yatawa ateyai tupamane utupane moyolo-peya lo utupane-mane nembo natape-pene. Jia. Nanimato epelewa atalapale nembo toto, Goteto minditaka epene kambua nanima giyane. Goteto utupane moyolo-peya lo balanga tungi peyo atoto, minditaka kambua yatawa ateyai wandakali utupane-mane matili kuai lo atamakale nayuto, saka atapowa atene enene oko mia-makale nembo tape-pene. Wuane nembo toto, utupane-mane yamapane epene paluto, yakamana minditaka kambua yolaini tupa tale puato, wandakali waka tupa moyo kambua mauyale atoto, piape epene kambua minditupa pua atape-pene. Minditaka kambua yatawa ateyai wandakali utupane-mane wuane peakale loto, Timoti nimbato utupane mana lamawua atape.

Jemesa 1:27

Nanimana bilipi okola, lotu lalamane okola, okonelapo mee gulolane nembo toto, nanimato yuu okona mana koo tupa wato minulumane tika ando atoto, andopane manyanipi, wanda yalopi, utupane moyo, kenda-pene utupanenga yola tupa awua atape-pene. Nanimato wuane pemando, Goteto andola-kola, balana wenonga nanimato Kitisene mana epene tika-pene tupa wato minu atoloma-kola pulupeya.

Jemesa 2:14

Nambana amene imalini yame, wandakali mindimane Gote lo bilipi leyo loto teke, mana epene tupa mina napeando, balana bilipi okone mee gulolo-peya. Mee guloa-kola, balana bilipi okonemane katulo bala molo-peke nalolo-peya. Jia wete.

1 Jone 3:17

Wuaneko, wandakali mindi bala yuu okona minditaka tupa yatawa atoto, wandakali yangone minditaka jia yo atola mindi andoto teke, bala ondowa moya napeando, Goteto wandakali tupa towa epelewa yamapane yo atalane mana okone wandakali okone balanga nayola-kola pulupeya.

1 Jone 4:20

Wamba Goteto loo mindi yata wato, Gote towa epelewa yamapane yo atalaini wandakali tupamane wandakali yangone tupa towa epelewa yamapane yo atape-pene. Wuaneko, wandakali mindimane balana wandakali yangone tupa lee-mane andoto teke, utupane towa epelewa yamapane yo ata napeando, balato lee-mane anda napiyane Gote oko towa katulo epelewa yamapane yo ata napulu-peya. Tene okonena, wandakali mindimane wandakali yangone mindi towa embo wete wato teke, Gote towa epelewa yamapane yo ateyo leando, balato owato pii lola-kola pulupeya.