Luku 24:11 - Ipili Nutestamene

¹¹ Lamai-yaikola, wandakali utupane-mane pii utupane ale wato, wanda utupane-mane kee ene gulo pii okone leyai nembo toto, pii leaini tupa bilipi naleainipia.

Luku 24:11 Iomraidhean Croise

Maki 16:13

Andalu, okonelapo-mane poto, balana disaipolo waka tupa lamaiyapi-kola, utupane-mane akali okone-lapona pii okone bilipi naleainipia.]

Maki 16:14

[Wamba Jisasa bala malinga ika lea-angi, wandakali minditupa-mane bala andoto, Jisasana disaipolo masia tupa lamai-yaini tekeko, utupane-mane wandakali utupanena pii okone bilipi naleainipia. Matili balana disaipolo utupane tomo no peteai-kola, bala epoto, utupane laiya loto, anu peakale yakama tuu puato, wandakali utupanena pii okone bilipi na-lapiaipe leaipia.

Luku 24:25

Wuane leapi-kola, Jisasato akali okonelapo tipa puato, Kataisa balato tandaka andane wamba ini nalu, matili bala gene andane miape-pene oko liyambato nembo nateyapipe. Wamba potopesa akali tupamane loto, Kataisato kenda-pene kambua awua atalu, matili bala omalu, ika loto, ati kenga polopeya leainipia. Anu peakale liyamba akali mini napalene gulo atoto, potopesa akali tupamane pii leaini utupane pitaka kapoyale bilipi naleyapipe leaipia.

Luku 24:41

Wandakali peteaini utupane-mane balana kini kenepi nili peleaini matikini yane utupane andoto, epele yaini tekeko, Jisasa bala anu pua ika lalu, nanima peteyamanga epo ateyape lo tatake wato, akali epo ateya oko bala Jisasa ya lo bilipi naleainipia. Utupane-mane Jisasa bala enene wete epo ateya lo bilipi naleai-kola, Jisasato utupane tipa puato, tomo nolane mindi eyape leaipia.

Aposolo 12:9

Wuane lea-kola, Pita bala katapusa anda okona lumu bala paleane okone tepa alu, enjole okone watama peaipia. Watama poto, enjole okonemane bala enene tita loto, atu peya nembo natene, balato mee kombeya andaka kamaka peyo nembo teaipia.