Luku 23:9 - Ipili Nutestamene

⁹ Epele wato, balato pii kambua Jisasanga tipa pea-kola, Jisasato balana pii leane utupanena mindikipi mindi yano napeleai-pia.

Luku 23:9 Iomraidhean Croise

Matiyu 27:12

Wuane lea-kola, pitisa akali kawane tupapi, Juta yame ando atalaini akali tupapi, utupane-mane bala kosimi loto, pii kambua leaini tekeko, balato utupanena pii utupane yano peyoyale, pii mindikipi mindi lapeke naleaipia.

Matiyu 27:14

Balato wuane leane tekeko, Jisasato balana pii okone yano peyoyale, pii mindikipi mindi nalea-kola, Pailateto moko wete loto, nembo kambua teaipia.

Matiyu 7:6

Yakamato mamaku epene wete tupa yia kapua tupa ateyainga peyamo leaindo, utupane-mane minditaka epene wete utupane mee kee-mane ango mangua alu, mopeke loto, yakama nolopeyai-ko. Yakamato wuane na-piyapape. Dee, yakamato Gotena minditaka epene wete tupa piango anatope gulene wandakali tupa mai na-piyapape.

Maki 15:5

Balato wuane leane tekeko, Jisasato balana pii okone yano peyoto, pii mindikipi mindi nalea-kola, Pailate moko wete leaipia.

Luku 13:32

Wuane leai-kola, Jisasato utupane lamawuato, yakama poto, langa-langa piyane peango anatope gulene akali okone lamawuato, wua lalapape: Wamba potopisa akali tupa yuu waka tupana ataka peai-kola, wandakali-mane utupane peyo ome laka napeainipia. Jia. Jutusaleme tano okona ataka peai-kola, wandakali-mane utupane peyo ome laka peainipia. Tene okonena, namba Jutusaleme atolowa-kola, utupane-mane namba peleakale nembo toto, andipapi, anatipi, namba Jutusaleme epoyale epeyo. Sipitisa koo tupa peyo wataka, wandakali siki pelene tupa mo atu yaka pima pulu, ole teponena namba Jutusaleme ipapowa epoto, nambana piape oko pikoyo pukale lala lo yakamato Etote lamai-yapape leaipia.

Luku 23:10

Yano napelea-kola, loo tupana mana andene akalipi, pitisa akali kawanepi, utupane-mane Jisasa taimane kosimi leainipia.

Jone 19:9

Yuku wete wato, bala dee lapone gapomane anda okona kolandaka loto, Jisasa tipa puato, wamba nimba ani atalu, epeepe leane tekeko, Jisasato balana pii okone yano napeleai-pia.

Aposolo 8:32

Pepa balato dii leane okonemane loto, wandakali mindimane sipisipi mindi peyoyale atu peya-kola, sipisipi okone tai nalene, mee tambo lo palane leaipia. Wuane pua teke, akali minditupa-mane akali mindi peyoyale atu peai-kola, bala tai nalene, mee tambo lo atu peaipia. Akali mindimane sipisipi andopane mindina itini kateya-kola, ŋaa na-lalane pua teke, akali okonemane pii mindi naleaipia