Luku 22:43 - Ipili Nutestamene

^43-44 [Jisasato wuane lo pote lea-kola, enjole mindi ati kenga atala epoto, Jisasa minu tai laya ya-kola, Jisasato lapone teke pote leaipia. Okone angi bala yamapane kenda andane wato, pote taimane lea-kola, weno pundu balanga kili leane okomane tundupa gulo yuunga dopo lo tepa yaepia.]

Luku 22:43 Iomraidhean Croise

Matiyu 26:53

Nambato nambana ayiane oko lamawuato, enjole yame andane wetete alesa tupamane namba moyolo epeakale laa lauwa-yale, oko angi teke balato enjole utupanepi, dee waka minditupa wete tako puato, yakamato Jisasa moyolo pulupa lapia-yale oko nimbato nembo natelepe.

Matiyu 4:11

Wuane lea-kola, Sataneto Jisasa tepa alu pea-kola, enjole minditupa epoto, Jisasa moyaini-pia.

Matiyu 4:6

Ate lalu, balato Jisasa lamawuato, Gotena pii pepa pelene eya mindimane loto, ana-mane nimbana kee nolane nembo toto, Goteto balana enjole tupa lamawuato, yakamato kii wanga latawa atalapape lolopeya layene eya-ko. Enene, nimba Gotena Iwanane ateendo, anda kenga wete okona atoto, peaka nena laa leaipia.

Luku 22:32

Sataneto wuane nembo teya tekeko, nimbana bilipi oko wetete koyolane loto, nambato Gote lo pote lauwa-ko. Matili nimba yamapane peke lole-angi, nimbana amene tupa minu tai laya ape leaipia.

Aposolo 14:22

Tano utupanena peke loto, liyambato Jisasa lo bilipi lene wandakali ateaini tupa lamawuato, nanimato wamba ini kenda-pene kambua awua atalu, matili nanima Gotena yuu epene okona katulo polo-peyama leapilipia. Wuane lalu, okonelapo-mane wandakali utupanena bilipi oko minu tai laya wato, utupane-mane Jisasa bilipi leyama nayu leakale leapilipia.

Aposolo 18:23

Andiyoko tano okonena satete minditupa atalu, bala yuu okone tepa alu, Galesia, Pitinjia-la, potopinjia okone-lapona yuu waka-waka yane tupana peaipia. Poto, balato Jisasa lo bilipi lene wandakali peteaini tupa pitakana bilipi oko minu tai layawa ateaipia.

1 Timoti 3:16

Wamba Jisasa bala akali enene mindi guloto, yuu okona panakame epea-kola, enjole tupamane bala andeaini-pia. Oli Sipitisa okomane bala akali tika-pene wete ateya lo lapana ya-kola, wandakali tupamane balana pii oko lo tawe yainipia. Balana pii lo tawe yai-kola, yuunga wandakali tupamane bala lo bilipi leainipia. Goteto bala atu ati kenga peakale lo mea-kola, Jisasa bala gene andane wetete meaipia. Gotena pii layene wamba too pitane yane utupanena tene tupa andane wetete eya lo bilipi leyama nayu leyama.

Iputu 1:14

Enjole yame pitaka sipitisa gulo atoto, Gotena piape piyaini. Goteto wandakali tupa molo-peke lokale nembo toto, enjole tupamane wandakali utupane moyo piape pulu peakale lalane.

Iputu 1:6

Wamba Gotena iwanane bulupane oko bala ati kenga atea-kola, Goteto bala yuunga epeakale loto, enjole tupa pitaka-mane bala lo lotu lape-pene leaipia.

Iputu 2:17

Wamba mandeke pene minditupa Jisasanga epea-kola, bala tandaka no ateaipia. Wuane pua teke, andipa mandeke pene minditupa wandakali tupanga epeya-kola, Jisasato wandakali utupane katulo moyalane. Balato wandakali tupa ondo wato, utupanena koo tupa apoyale, Gotena piape kuai lo pimai-yane pitisa akali kawane atokale nembo teaipia. Pitisa piape okone puyale, bala yuu okona akali ateaini okonepene teke atape-pene guleaipia. Tene okonena, bala yuu okona akali enene mindi ateaipia.