Luku 20:1 - Ipili Nutestamene

¹ Ole alumindi Jisasa bala lotu anda andane okona ende anda-pangosa atoto, Gotena pii layene epene oko lamawuato, wandakali peteaini tupa mana lamawua ateaipia. Balato wuane pua atea-kola, pitisa akali kawane tupapi, loo tupana mana andene akali tupapi, Juta yame tupana akali kawane waka tupapi, utupane yakama Jisasa ateanga epeainipia.

Luku 20:1 Iomraidhean Croise

Matiyu 26:55

Wuane lalu, Jisasato akali kambua epeaini tupa lamawuato, ole dindi lo nambato lotu anda andane okona ende anda-pangosa pituto, wandakali tupa mana lamawua atauwa tekeko, okone angi, yakamato namba andi na-lapiai lea. Andipa nambato minditaka pake neya nembo toto, yakamato kandepa luupi, mulipi, utupane awua, namba andi lolo epeyaipe.

Luku 20:2

Epoto, utupane-mane bala tipa puato, nimbato apina pii wato minuto, wandakali utupa mana lamawua atelepe. Apito nimba languato, piape utupa pipe lo nimba langipia-kola, nimbato piape utupa pua atelepe. Nimbato nanima langi leainipia.

Luku 8:1

Wamba akali Kusa lene mindimane Etotena anda ando atalaepia. Balana wetene Jowana bala siki pelea-kola, Jisasato bala mo atu yaepia. Wanda Matiya yuu Makatala tano okona tane balanga sipitisa koo yanasa ateai-kola, Jisasato sipitisa koo utupane peyo wateaipia. Wuane pua teke, Jisasato wanda waka minditupanga sipitisa koo ateane tupa peyo watalu, siki pelene wanda kambua mo atu yalu, Goteto pitaka taka ando atalane leaipia. Wuane loto, balato Gotena pii layene epene oko wandakali tupa lamaima, epoko puato, balana disaipolo alesa akali tupa towa atu tano aŋakopi, andanepi, yuu pitakana peainipia. Peai-kola, wanda Jowana, Matiya, Susana ima, wanda kambua akali utupane towa atu poto, utupane moyo, munipi, tomopi, okonetaka tupa maiki peainipia.

Jone 18:20

Wuane lea-kola, Jisasato bala lamawuato, namba too pua atoto, pii mana mindikipi mindi lamai na-piyawane leaipia. Ole dindi lo namba lotu anda andane okona banisa anda-pango yandopi, Juta yamena lotu anda waka mindina yandopi, Juta yame wandakali tupa pitaka amunguli piyaini panda utupanena mindi atoto, nambato pii panakame lamauwa atalawane.

Aposolo 4:1

Pita, Jone-lamane wandakali tupa pii lamawua ateapi-kola, pitisa akali tupapi, Satusi tupapi, lotu anda andane okona yanda yene tupana akali kawane okopi, utupane epeanipia.

Aposolo 6:12

Akali utupane-mane wuane leaini okomane ando atene akali tupapi, loo tupana mana andene akali tupapi, wandakali waka tupapi, utupane mo yataka yai-kola, utupane-mane epoto, Sipene minu awua Juta yamena kanjole tupa peteainga peainipia.