Luku 2:27 - Ipili Nutestamene

²⁷ Maliyo ateaneko, alu mindi Oli Sipitisa okomane akali Simiyone balana nembo-tene oko mina ika laya ya-kola, bala lotu anda andane okona kolandaka leaipia. Okone angi, Gotena loo okomane layene yene pua pipakale nembo toto, Jisasana angini ayiane-lamane bala awua, lotu anda andane okona kolandaka leapelepia.

Luku 2:27 Iomraidhean Croise

Matiyu 4:1

Okone angi, Sataneto Jisasa minu mandeke peakale loto, Oli Sipitisa okomane Jisasa atu aiyu wandakali napalene yuu mindina peaipia.

Luku 2:22

Gotena loo pepa pelene eya okomane pii mindi loto, wanda-mane andopane mindi mandula-angi, Gotena wenonga okonelapo kalato atalapele layene eya. Okone-lapona kalato kunu apolane oto oko epola-angi, pitisa akali okomane liyambana kalato atolane tupa kunu apia-geakale lo eka itapuluma lapo yandopi, uya andopane lapo yandopi, mindi opa Gote maiyapape layene eya. Gotena loo pepa pelene eya waka mindimane loto, iwana bulupane mandulai oko manduto, Gote maipe-pene layene eya. Wuane layene eya pua, iwanane angini-lana kalato kunu apolane oto oko epea-kola, Matiya Josepe-lamane Gotena mana Mosesato pepa peleane oko wato minuto, Jisasa bala Gotena lapakale loto, bala mandiyu, Jutusaleme peapelepia.

Luku 2:28

Kolandaka leapi-kola, Simiyoneto Jisasa ope lo moto, Gote lo tama peaipia.

Luku 2:41

Wamba Isatale tane wandakali tupamane Pasopa tomo oko no ateai-kola, enjole okomane Isipi tane wandakali tupana iwanane bulupane tupa peyo ome loto, Isatale tane wandakali tupana iwana bulupane tupa peyo ome nalene konda yaepia. Wamba Goteto wuane peane nembo toto, mali dindi lo Pasopa tomo nalaini oto okone epea-kola, Jisasana angini, ayiane-lamane atu Jutusaleme puku piyapele-pia.

Luku 2:48

Jisasa bala mana lamayaini tisa tupa towa pii lo ateanga andoto, angini ayiane-lamane moko andane teke leapelepia. Moko loto, Jisasana angini-mane bala lamawuato, iwana, nimba ayiane nalipa yamapane kendawa, nimba ayia pua ataipa-ko. Tene anu pipia-kola, nimba nalipa towa andaka atu makale ipu napene, wali mee atapipe leaipia.

Luku 2:51

Okone angi, Jisasa bala angini, ayiane-la towa Nasatesa yuu okona peke loto, okonelapo-mane pii leapele tupa wato minu atea-kola, Matiyato Jisasana pii leane tupapi, mana mineane tupapi, utupane pitaka balana yamapanenga yakale lo, nembo tatawa peteaipia.

Luku 4:1

Oli Sipitisa oko Jisasanga epo tumbi lea-kola, bala ipa Jotane oko tepa alu, peke leaipia. Peke lea-kola, Oli Sipitisa okomane bala atu aiyu, wandakali napalene yuu mindina peaipia.

Aposolo 10:19

Okone angi, Pita bala kombeya-mane andene gulo andeane okone mee nembo tatawa petea-kola, Oli Sipitisa okomane bala lamawuato, akali tepo-mane nimba aiya pima epeyai leaipia.

Aposolo 11:12

Epeai-kola, Oli Sipitisa okomane nimba mini lapo pali napene, akali utupane atu puu lea. Wuane lea-kola, Juta yame Kitisene wandakali wataka utupa towa namba atu poto, akali Koniliasa okona andaka kolandaka lema.

Aposolo 16:7

Poto, akali utupane yakama Misia disitiki okona peakaiyu lalu, Bitinia potopinjia okona poyale peai-kola, Jisasana sipitisa okomane akali utupane lamawuato, yakama Bitinia potopinjia okonena napulupape leaipia.

Aposolo 8:29

Pepa okone dii lama pea-kola, Oli Sipitisa okomane Pilipi lamawuato, nimba katesa peya ongane mandaka puu leaipia.

Galesia 4:4

Katapusa piape pua atema-kola, Goteto wua lo nembo teaipia: Nambana loo tupana pangosa andi latane ateyai wandakali tupa nambana andopane guleakale-ko. Nambana iwanane okomane wandakali utupane kambo molo-peke leakale nembo teaipia. Matili wandakali kambo molo-peke lolane oto okone epea-angi, Goteto balana iwanane oko epeakale lea-kola, wanda mindimane Kataisa mandeaipia. Mandea-kola, Kataisa bala loo tupana pangosa atoto, wandakali nanima loo tupana pangosa atemane tupa kambo molo-peke leaipia. Balato wuane peane okonena, andipa nanima Gotena andopane yame ateyama.

Lapana Yane 1:10

Wuane peai-kola, Sande mindina Oli Sipitisa oko nambanga epo tumbi lea-kola, nambato pii mindi ale ewa. Ale ewa-kola, biakulu mindimane pii taimane lalane pua, nambana masianesa-tole mindimane pii mindi taimane wete lea.

Lapana Yane 17:3

Enjole okonemane wuane lea-angi, Oli Sipitisa oko nambanga epo tumbi lea-kola, enjole okonemane namba mo auwa wandakali napalene yuu mindina pea. Nambato yuu okonena poto andewa-kola, pamuku wanda okone bala yia pusi tundupa-pene mindina masianenga petea. Pusi kapua okonena umbaini pitakanga Gote ando lamba lene gene kambua tupa pepa peyatane atea. Balana kawane yanasa atea-kola, kawane utupanena nene paiyasa atea.