Luku 19:19 - Ipili Nutestamene

¹⁹ Wuane lea-kola, kiŋi okomane nimbato tano yau ando atola leaipia.

Luku 19:19 Iomraidhean Croise

Luku 19:18

Piape akali lapone epeane okomane loto, Akali Andane, nimbato kina (20) paiyasa lapo namba gee-kola, nambato bisanisa piape puato, (100) wane andete kina potopisa miauwa leaipia.

Luku 19:20

Piape akali tepone epeane okomane loto, Akali Andane, akali waka mindimane minditaka yatawa ateya oko nimbato tikayu mialene leaipia. Akali waka mindimane tomo yandeya okone nimbato tikayu mandilini. Nimba akali makonga ene mindi pianga, nambato nimba ando yuku wato, nimbana kina (20) paiyasa lapo namba gee oko angasupi-mane tongo puato, yatawa atewane oo eya oko anda leaipia.

1 Kotini 15:58

Tene okonena, nambana yamapane yene amene imalini yame yakamato pii nambato yakama langeyo tupa bilipi leyama nayu loto, mindimane yakamana bilipi okone mo lawa pulane. Waiwa ando atalapape. Yakamato Akali Andane okona piape pua ateyai oko mee katapusa piape pua apia napeyama nembo toto, ole dindi lo balana piape tailo pua atalapape.

1 Kotini 3:8

Yakama Gotena ee gulo ateyai-kola, Apolosa nalipa piape akali yangone atoto, balana eenga piape pua ateyapa. Wuaneko, ee yandewane akali namba-la, ipa mawua ateane akali bala-la, nalipato nembo mindiki palu atoto, balana piape okonelapo pepa. Gote bala tane nalipana piape yapa lo tale puato, nalipa mindiki-mindiki lo yole gulupeya.

2 Kotini 9:6

Andipa yakamato wua lo nembo talapape. Wandakali mindimane ee aŋako mindi yandeando, balato tomo aŋako teke mandulu-peya. Akali mindimane ee andane mindi yandeando, balato tomo kambua teke mandulu-peya.

2 Jone 1:8

Wandakali mindimane Kataisana pii layene enene oko duli lo mina napene, pii waka mindi wato minu ateando, Gote bala wandakali okone towa atu ata napiyane. Wandakali mindimane Kataisana pii layene enene oko duli lo minu ateando, Ayiane Gote-la, balana iwanane-la, okonelapo bala towa atu atalapele. Tene okonena, yakamato yole epene Goteto yakama gukale leane utupane pitaka mia-makale nembo toto, Kataisana pii enene nanimato yakama langema tupa apolomane. Tika ando atalapape.