Luku 19:11 - Ipili Nutestamene

¹¹ Jisasa bala Jutusaleme mandaka yale epea-kola, wandakali tupamane nembo toto, bala Jutusaleme peakaiyu lola-angi, nanimato andoloma-kola, Goteto pitaka taka panakame ando atolanga andolo-peyama nembo teainipia. Utupane-mane wuane nembo toto, balana pii leane tupa alewa peteai-kola, Jisasato pii kokoli mindi konda pua leaipia.

Luku 19:11 Iomraidhean Croise

Luku 17:20

Alumindi Patasai tupamane Jisasa tipa puato, andoko angi Goteto wandakali tupa ando atolo epolo-peyape leainipia. Wuane leai-kola, Jisasato utupanena pii okone yano peyoto, Gote bala yakamana ini anda-pangosa epo atoto, yakama ando ateya-kola, wandakali-mane katulo bala lee-mane anda na-piyainiko. Mindimane Akalina Iwanane bala onga ateya oko andolo ipulupa nalape-pene. Dee bala ambinga ateya oko andolo ipulupa nalape-pene teke leaipia.

Luku 9:51

Jisasa bala ati kenga peke lolane oto oko mandaka epea-kola, bala nembo mindiki paliyu, Jutusaleme poyale ato, akali minditupa-mane bala epeya lo lamai-yakale ingane pulupa leaipia. Wuane lea-kola, akali utupane-mane Jisasana tomo nolanepi, anda pangulanepi, utupane mandeke puyale, Samatiya yame tupana tano mindina ingane peainipia.

Aposolo 1:6

Jisasato wuane lea-kola, aposolo akali bala towa amunguli pua ateaini tupamane bala tipa puato, Akali Andane, andipa oko angi, nimbato Isatale tane mindi nanimana kiŋi gulaya alu, nanima Isatale tane wandakali tupa minu tai laya olo-peke lolape leainipia.