Luku 15:15 - Ipili Nutestamene

¹⁵ Jia ya oko andoto, balato yuu okonena tane akali mindina piape pimalu peaipia. Pea-kola, piape anduane okomane iwana okone lamawuato, nimbato nambana yia tupa yuu maliwa mindina tomo mawua yatawa atolo puu leaipia.

Luku 15:15 Iomraidhean Croise

Matiyu 7:6

Yakamato mamaku epene wete tupa yia kapua tupa ateyainga peyamo leaindo, utupane-mane minditaka epene wete utupane mee kee-mane ango mangua alu, mopeke loto, yakama nolopeyai-ko. Yakamato wuane na-piyapape. Dee, yakamato Gotena minditaka epene wete tupa piango anatope gulene wandakali tupa mai na-piyapape.

Luku 15:13

Tale pua maya-kola, iwana lapone oko bala ole mindilapo angu yuu okonena atalu, balana minditaka utupane pitaka muni mialu, yuu tepanda mindisa poto ateaipia. Yuu okonena atoto, balato mana koo kambua minaka puato, balana muni tupa pitaka apia koyo peaipia.

Luku 15:14

Balana muni koyo pea-kola, yuu bala ateane okonena ulia nono andane mindi yaepia. Ulia nono ya-kola, ulia tomo nolanepi, tona umbaininga pulanepi, utupane balanga jia yaepia.

Luku 15:16

Wuane lea-kola, iwana okonemane tupasia imbuni tupa yia tupa neakale mawua ateaipia. Yia tupamane tupasia imbuni tupa no ateai-kola, iwana okonemane ulia nono wato, tupasia imbuni utupanena minditupa nokale nembo teane tekeko, wandakali mindimane tupasia imbuni mindi bala neakale mai napeainipia.

Taitasa 3:3

Anu peakale nambato nimba languato, nimbato mana utupane lamawua atape leyope. Wamba Sataneto nanima andakasa ya-kola, nanima tane mini napalene gulo atoto, Gotena pii tanga lo atema. Okone angi, nanima umbainina epele alamane tupapi, minditaka miauwa lakae lo nembo talamane tupapi, utupane pitaka-mane nanima andi lea-kola, nanimato mana utupanena katapusa piape tupa pimawua atema. Nanimato katapusa piape utupane pimawua atoto, wandakali waka tupa towa apiangu puato, utupanena minditaka tupa miauwa lakae lo nembo tema. Nanimato wandakali tupa towa yataka aka pua atoto, utupane embo wete ema-kola, wandakali utupane-mane nanima embo wete yaini teke.