Luku 12:20 - Ipili Nutestamene

²⁰ Akali amango okone bala kuai-lene atokale nembo teane tekeko, Goteto bala lamawuato, andipa utulu nimba omole-kola, minditaka kambua nimbato mo yomowa atele tupa apina yolopeyape lo nimbato nembo natene, keewa atele leaipia.

Luku 12:20 Iomraidhean Croise

Luku 11:40

Yakamato wuane piyaini mana okonemane, yakama tane akali kee ene gulo ateyai. Goteto yakamana umbaini kenga angu waa piyu, yakamana yamapane pangosa waa napene, konda yape. Jia.

1 Tesalonaika 5:3

Wanda mindi bala andopane tongo taka pituto, ana kambua kuai lo pitiyane tekeko, matili masia peleya-kola, tandaka pene oko balanga kapoyale epalane. Wuane piyane pua teke, wandakali minditupa-mane loto, andipa nanima yanda napene, epene kuai lo ateyama lalaini tekeko, okone angi teke kenda-pene andane mindi wandakali utupanenga epalane. Epeya-kola, kenda-pene okone wandakali utupane yakamanga epolane lo asia peyo wanjialu palaka polane asini mindi nayalane.

1 Timoti 6:17

Nanima epelewa atalapale nembo toto, Goteto minditaka nanimanga yalane tupa pitaka nanima giyane. Balato wuane piyane okonena, minditaka kambua yatawa ateyai wandakali tupamane atapene tene mo ata napipe-pene. Yuu okona minditaka koyalane kambua yatawa ateyai tupamane utupane moyolo-peya lo utupane-mane nembo natape-pene. Jia. Nanimato epelewa atalapale nembo toto, Goteto minditaka epene kambua nanima giyane. Goteto utupane moyolo-peya lo balanga tungi peyo atoto, minditaka kambua yatawa ateyai wandakali utupane-mane matili kuai lo atamakale nayuto, saka atapowa atene enene oko mia-makale nembo tape-pene. Wuane nembo toto, utupane-mane yamapane epene paluto, yakamana minditaka kambua yolaini tupa tale puato, wandakali waka tupa moyo kambua mauyale atoto, piape epene kambua minditupa pua atape-pene. Minditaka kambua yatawa ateyai wandakali utupane-mane wuane peakale loto, Timoti nimbato utupane mana lamawua atape.