Luku 12:18 - Ipili Nutestamene

¹⁸ Nambana tomo yata alawane anda aŋako tupa anguto, anda andane minditupa pukale.

Luku 12:18 Iomraidhean Croise

Luku 12:17

Tomo kambua andayo atea-kola, balato pii mindi loto, nambana tomo mandu yata olane anda tupa aŋako guleya-kola, nambana tomo tupa anu pukalepe leaipia.

Luku 12:19

Anda andane tupa piyu, nambana witipi, minditaka epene tupa pitaka anda utupanena mo yata wakale. Nambana minditaka epene utupane mali kambua katulo sia minu yola-kola, namba tane mee oto atoto, tomo, ipapi, utupane no, mini epene palu atokale leaipia.

Luku 12:21

Wuane pua teke, wandakali mindimane Gotena pii oko ale wato, nemboto mina napene, yuu okona eya tupa angu kambua mo yomowa ateando, bala akali kee ene gulo atolopeya. Jisasato wuane leaipia.

Luku 18:4

Wuane laka pea-kola, akali jasa okonemane wanda okonena kenda-pene oko wamba ini lo tika napene, konda yane tekeko, matili jasa okomane wua lo nembo teaipia: Nambato Gote yuku amawuapi, wandakali moyokale lopi, nembo natalawane.

Luku 18:6

Akali Andane okomane pii kokoli okone lo koyo piyu, balato pii mindi konda puato, ole kambuanga wanda yalo okonemane namba moyape laka pea-kola, akali jasa koo okonemane wanda yalo okona kenda-pene oko lo tika pukale leane okone yakamato nembo talapape leaipia.

Jemesa 3:15

Gene andane miama lakae lo nembo talaini wandakali tupamane yangone gene yene tupa towa apiangu pua atoto, utupane towa kuai lo potomane nalene, mana koo tupa pitaka minu atalaini. Gote ati kenga ateya okomane mana koo okonepene tupa gii napiyane. Jia. Sataneto yuu okona tawe mana utupane geya-kola, wandakali-mane utupanena nembo-tene wambane oko wato minu atoto, mana koo tupa minu atalaini.

Jemesa 4:13

Ita tua tupa ole ukupini mindilapo angu talu, wamba kapoyale alu piyane. Wuane piyane pua teke, wandakali yakama yuu okona ole ukupini mindilapo angu atalu, wamba kapoyale alu piyaini. Tene okonena, anati yakama wua pua atolo-peyama nembo nateyai tekeko, yakamana minditupa-mane yakama tane gene tupa laiyu lalaini. Laiyu loto, andipa yandopi, anati yandopi mindi, nanima tano okona poto, mali mindiki bisanisa piape puato, muni kambua molopeyama lalaini. Wuane loto, yakama tane gene tupa laiyu lalaini mana tupa pitaka koo teke-teke eya. Tene okonena, yakamato wuane lalaini mana okone kondalu, Akali Andane okomane nanimato wuane piyapale nembo teando, nanima saka atoto, piape okone pemandopi, dee waka mindi pemandopi, mindi pulu-peyama lape-pene.