Luku 12:17 - Ipili Nutestamene

¹⁷ Tomo kambua andayo atea-kola, balato pii mindi loto, nambana tomo mandu yata olane anda tupa aŋako guleya-kola, nambana tomo tupa anu pukalepe leaipia.

Luku 12:17 Iomraidhean Croise

Matiyu 16:7

Wuane lea-kola, balana disaipolo tupamane ale apulu, yakama teke-teke pii lalawa puato, nanimato betesa mo mandi napene, mee epalama okonena, balato wuane leya leai.

Matiyu 5:42

Wandakali mindimane yano mindi gii lo tee leando, nimbato bala masia mawuato, jia nalape. Wandakali mindimane minditaka mindi gii lo tee leando, okone maipe. Jisasato wuane leaipia.

Luku 10:25

Alu mindi Jisasato mana lamawua atea-kola, loo tupana mana kambua andene akali loya mindi ika loto, Jisasa minu mandeke puato, tisa, namba saka atapowa atokalenga, nambato anu puape leaipia.

Luku 11:41

Yakama tanena umbaini kenga angu wasa-wasa peya napene, yakamato wandakali jia yo ateyai tupa ondowa moyoto, tomo pelesa tupanga yalane tupa neakale maiyapape. Maulai-kola, yakamana umbaini, yamapane-la, okonelapo lapotaka kalato nayene atolopeyai.

Luku 12:16

Wuane lalu, Jisasato pii kokoli mindi utupane lamawuato, wamba akali amango mindina eenga tomo kambua andayo ateane leaipia.

Luku 12:18

Nambana tomo yata alawane anda aŋako tupa anguto, anda andane minditupa pukale.

Luku 12:22

Wuane lalu, Jisasato balana disaipolo tupa lamawuato, yakamato eka tupa nembo talapape leaipia. Utupane-mane ee mindi puato, tomo mandu naa na-piyaini. Eka tupana tomo mandu yalaini anda mindi ata napiyane tekeko, Goteto eka utupane tomo neakale maiyane. Wandakali yakamato eka tupa sia minuto, lipinga yale ateyai okonena, Goteto yakamapi tomo nalapale gulupeya teke. Goteto yakamana umbaini oko waa puato, saka ateakale leane. Balato piape pitete-pene okone wamba ini piyu, andipa tomopi, umbaininga tona pulanepi, utupane pitete naene, yakama giyane-ko. Yakama tane kuai lo atamakale nembo toto, tomo nolanepi, umbaininga tona pulanepi, utupane anu pua mia-makale lo nembo kambua tolaini.

Luku 12:29

Gotena pii ale naene aitene wandakali tupa pitaka-mane anu puato, tomo ipapi, utupane mia-makale yape lo nembo kambua talaini tekeko, yakamana ayiane ati kenga ateya okomane tomo ipapi yakama nalapale nembo toto gulupeya-ko. Yakamato tomo ipapi, ani tawe namakalepe lo nembo kambua natene, Goteto yakama ando ateakale nembo talapape. Yakamato wuane nembo tolai-kola, Goteto okonetaka tupa pitaka yakama gulupeya. Jisasato wuane leaipia.

Luku 16:3

Wuane lea-kola, minditaka ando atalane akali pusapai okomane wua lo nembo teaipia: Nambato balana minditaka tupa yatawa ando ata napula loto, nambana akali amango okomane namba peyo wateya. Nambato sapolo awuato, piape mindi katulo napulu-peyo yako. Andipa nambato anu pukale yape. Nambato mindi akalinga tomopi, munipi, minditaka mee giyapa lo tee lewando, yala pulupeya yako.

Luku 16:9

Wandakali mindimane minditaka aŋako yola tupa kuai lo ando yatawa ateando, balato minditaka andane yola tupa kuai lo ando yatawa atolopeya teke. Wandakali mindimane minditaka aŋako yola tupa kuai lo ando yatawa ata napeando, balato minditaka andane yola tupa kuai lo ando yatawa ata napulu-peya teke. Yakamato wandakali waka mindina minditaka mindi kuai lo ando yatawa ata napeaindo, apito yakama tanena minditaka yolai tupa ando yatawa atalapa lo yakama gulupeyape. Yakamato yuu okona tawe muni koo tupa kuai lo ando yatawa ata napeaindo, apito minditaka angini oko yakamato ando yatawa atalapale lo gulupeyape. Wandakali mindimane akali andane lapona piape peando, balato akali andane mindi epelewa yamapane yalu, akali andane mindoko towa embo wato, masia malu-peyako. Akali mindimane akali andane lapona piape akali katulo ata napipe-pene. Yakamato mini lapo palu atoto, Gote muni-la, okonelapo lapotaka yamapane yoto, piape peaindo, mana okone katu nalolo-peya. Matili yakama omolai-angi, muni ando yatawa atalaini piape okone koyo pulupeya. Okone angi, ati kenga atalane Gote okomane nimba balana yuu epene okona ipu leakale nembo teaindo, andipa yakamato wandakali yangone tupa epele yakale loto, yuu okona tawe muni tupa tale pua mawua atalapape lo nambato yakama langeyo. Jisasato wuane leaipia.

Luku 18:22

Pii leane okone ale wato, Jisasato bala lamawuato, mana epene mindiki angu nimbato wato mina napilini leaipia. Wandakali waka tupamane nimbana minditaka eya tupa pitaka kambeakale lape. Kambolai-kola, nimbato muni mole tupa wandakali tipia tupa maipe. Wuane peendo, matili nimbana minditaka epene wetete tupa ati kenga yola-ko. Andipa nimba namba watama ipu leaipia.

Luku 19:17

Wuane lea-kola, kiŋi okonemane bala lamawuato, nimbato minditaka aŋako wetete tupa wayumane ando atoto, piape kuai lo pipini yako. Nimba piape akali epene atele-ko. Nimbato tano paiyasa ando atola leaipia.

Luku 3:11

Wuane leai-kola, Joneto utupanena pii leaini okone yano peyoto, singilisa lapo yolane wandakali okomane singilisa nayene atolane wandakali okone tale pua maipe-pene. Tomo no atolane wandakali okomane balana tomo tale puato, minditupa tomo nanene nonowa atola wandakali oko maipe-pene leaipia.

Aposolo 16:30

Tombawua lalu, bala ika loto, akali okonelapo atu kamaka peaipia. Poto, balato akali okonelapo tipa puato, akali andane lapo, Goteto namba molo-peke leakalenga, nambato anu puape leaipia.

Aposolo 2:37

Pitato pii leane okonemane wandakali utupanena yamapanenga wayumane andaka pea-kola, wandakali utupane-mane balapi, aposolo akali waka tupapi, utupane tipa puato, amene yame, nanima anu pimape leainipia.

Lomo 12:13

Gotena wandakali tupa minditaka jia yo ateaindo, yakamato utupane moyalapape. Wandakali mindi yuu waka mindinga atalu, yakama atolainga epeando, yakamato bala moyo yatawa paliyapape.

1 Timoti 6:17

Nanima epelewa atalapale nembo toto, Goteto minditaka nanimanga yalane tupa pitaka nanima giyane. Balato wuane piyane okonena, minditaka kambua yatawa ateyai wandakali tupamane atapene tene mo ata napipe-pene. Yuu okona minditaka koyalane kambua yatawa ateyai tupamane utupane moyolo-peya lo utupane-mane nembo natape-pene. Jia. Nanimato epelewa atalapale nembo toto, Goteto minditaka epene kambua nanima giyane. Goteto utupane moyolo-peya lo balanga tungi peyo atoto, minditaka kambua yatawa ateyai wandakali utupane-mane matili kuai lo atamakale nayuto, saka atapowa atene enene oko mia-makale nembo tape-pene. Wuane nembo toto, utupane-mane yamapane epene paluto, yakamana minditaka kambua yolaini tupa tale puato, wandakali waka tupa moyo kambua mauyale atoto, piape epene kambua minditupa pua atape-pene. Minditaka kambua yatawa ateyai wandakali utupane-mane wuane peakale loto, Timoti nimbato utupane mana lamawua atape.

1 Jone 3:16

Jisasato nanima moyoyale bala omeane mana okomane wandakali yangone towa epelewa yamapane yo atene mana oko nanima andawa lea. Tene okonena, nanimato balana mana okone wato minuto, wandakali yangone tupa moyoyale omape-pene.