Luku 10:18 - Ipili Nutestamene

^18-19 Wuane leai-kola, balato utupane lamawuato, nambato yakama minu tai laya ewa-kola, yakamato etelu gepopi, analika-likapi, okonetaka tupa ango olai-kola, okonetaka mindimane yakama katulo minu koya napulu-peya. Yakamato yakama yanda pingiyaini yame tupana tai-lene pitaka sia minulu-peyai. Sipitisa koo tupamane yakamana pii oko ale wato, wandakali tupa awua tepa alu pupiai-angi, yuu tapale kapoyale piyane pua, Satanena tai-lene oko kapoyale koyo pipianga nambato andauwa.

Luku 10:18 Iomraidhean Croise

Matiyu 4:10

Wuane lea-kola, Jisasato bala lamawuato, nimbana Akali Andane Gote oko angu lotu lo atoto, balana piape oko angu pimawua atape lo pepa pelene eya-ko. Satane nimbato namba tepa alu puu leaipia.

Jone 12:31

Andipa balato yuu okona wandakali tupa yapa lo tale puyale puato, yuu okona ando atalane sipitisa koo Satane oko peyo watoyale peya.

Iputu 2:14

Wandakali nanima umbaini atalu, tundupa paliyu pene ateyama-kola, Satane bala tai atoto, katulo wandakali minu ome laya alane. Balato wuane piyane okonena, wandakali-mane omolomane lo yuku wato, ole dindi lo balana pangosa andi latane gulo ateai-kola, Jisasato utupane tinga lo moyale, omokale nembo teaipia. Bala omolowa okomane Satanena tai-lene oko minu koyokale nembo toto, Jisasa bala umbaini atalu, tundupa paliyu pene yuu okona wandakali mindi ateaipia.

Lapana Yane 20:2

Epoto, balato puya andane wete gene Satane lene oko minatawa atoto, sene ende andane okomane bala andi lea. Wamba wetete Sataneto yuu pitakana wandakali tupa minakasawa atama ipulu, andipa giau lea-kola, wandakali utupane-mane mana koo tupa minu ateai-kola, Sataneto utupanenga koo tene yatawa atea. Mali tausene mindiki balato wandakali tupa minakasa nayakale nembo toto, enjole okonemane bala andi loto, yuu kundu koo nenanga wetete okona auwa aindaka loto, yuu kundu okonena asia lomba oko tuma puato, duli lo wete loko pelea. Loko pelea-kola, mali tausene mindiki polopeya. Pola-kola, Satane bala dee lapone mali mindilapo ako-lene ateakale loto, bala tinga lo tepa ape-pene.

Lapana Yane 9:1

Enjole yawini okomane balana biakulu oko pelea-angi, nambato andewa-kola, kaiyanda wamba atinga atalu, yuunga tepa yane mindi yuu okona atea. Atea-kola, Goteto yuu kundu koo pango nenanga wete yene okona asia lumbalaini kii oko kaiyanda okonenga maya.