Luku 10:11 - Ipili Nutestamene

¹¹ Goteto yakama moyo ando atolane oto oko ipupia-kola, wamba balato nanima languato, nambana pii oko wandakali utupanga lamalu pulupa lapia nembo talapape. Yakamato wuane nembo tape-pene tekeko, yakamato Gotena pii oko ale aa napimakale nembo toto, nanima yatawa pali napeyai. Tene okonena, koo tene mindi yakamanga eya lo andalapale loto, tano okona yuu kangalamu nanimana kenenga ateya tupa nanimato tanda lo tepa alu, nanima yuu waka mindina peyama lo wandakali utupane lamai-yapape.

Luku 10:11 Iomraidhean Croise

Matiyu 10:14

Tano mindina wandakali mindikipi mindimane yakamana pii lolai tupa ale naene, yakama yatawa pali napeaindo, yakamato tano okone tepa alu poyale atolai-angi, yakamana sukee okona yuu kangalamu atolane tupa tanda lo tepa alu, yakama yuu waka mindinga pulupape.

Matiyu 10:7

Wandakali mindimane wandakali waka mindina piape pimai-yando, piape anduane okomane bala yole maipe-peneko. Yakamato muni yandopi, ane pausa mindi yandopi, nuu mindi yandopi, singilisa lapo yandopi, sukee lapone yandopi, utupanena mindi mandi napene, kalango mindi ai napene, mee pulupape. Yakamato Isatale tane wandakali tupa ateyainga poto, Gote ati kenga ateya okomane pitaka taka ando atolane gii oko wamba mandaka guleya lo lamai-yapape. Lamaiyu, yakamato wandakali siki pelene tupa mo atu yalu, wandakali omene tupa ika laya alu, wandakali tapa-pene tupa mo atu yalu, sipitisa koo tupa peyo watalu, piyapape. Yakamato piape utupane piyapale loto, nambato tai-lene yakamanga geyo okonena yole mindi yakamato namba giyapa naleyo. Wuane pua teke, yakamato wandakali tupa moyo piape utupane pulai-angi, yakamato yole mindi giyapa nalene, utupane mee moyo piape utupane pua atalapape.

Maki 6:11

Yuu mindina tane wandakali tupamane Gotena pii yakamato lamaulai tupa ale naene, yakama yatawa pali napeaindo, utupane yakama tane mana koo mineyama lo andeakalenga, yakamana kenenga yuu kangalamu atolane tupa tanda lo tepa alu, yuu okone tepa alu, pulupape. Jisasato wuane leaipia.

Luku 10:10

Tano mindina tane wandakali tupamane yakama yatawa pali napimakale leaindo, yakamato tano okonena asini tupana atoto, wua lalapape:

Luku 9:5

Yakamato tano mindina polai-kola, wandakali tupamane yakamana pii lolai tupa ale naene, yakama yatawa pali napeaindo, yuu okonena atalaini wandakali yakama tane koo mindi piyama ya lo nembo teakalenga, yakamana sukeenga yuu kangalamu atolane tupa tanda lo tepa alu, yakama yuu waka mindina pulupape.

Aposolo 13:26

Apatakame yamena mandiyene tupapi, Gote yuku amawua lotu lo atalaini yame wandakali waka tupapi, yakama pitaka nalipana amene imalini yame ateyai. Jisasato wandakali tupa molo-peke lolo epolopeya loto, wamba Goteto potopesa akali minditupa-mane nanima langulu epeakale leaipia.

Aposolo 13:40

Tene okonena, wamba Potopesa akali tupamane wua leainipia: Goteto pii mindi leane oko loto, nambato piape waka mindi-pene mindi yakama tombenenga pua ateyo layene eya. Wandakali mindimane Gotena pii okone bilipi loto, Goteto piape okone peya lo lamba lalaini wandakali yakama langeando, yakamato balana pii okone bilipi nalolo-peyaiko. Bilipi na-lolaini wandakali yakamato Goteto piape pua ateya okone andoto, moko loto, omalapape. Wamba potopesa akali tupamane wuane leaini okonena, andipa ateyai wandakali yakamato bilipi nalene atolai-kola, kenda-pene okone yakamanga epolane. Waiwa ando atalapape. Poloto wuane leaipia.

Aposolo 13:46

Lamba leai-kola, Polo, Banapasa-la, liyambato yuku naene, wua leapilipia: Nalipato Gotena pii oko Juta yame wandakali yakama ini bulupane langipe-pene gulea-kola, langepa tekeko, yakamato koo piyaini mambele, yakama tane saka atapowa ata napene, yuu koo okona pupe-pene gulo atoto, Gotena pii okone ale naene, masia maiyaini. Tene okonena, nalipato Gotena pii oko Juta yame wandakali yakama dee lapone langi napene, wandakali yame waka tupa lamaipakale.

Aposolo 13:51

Peyo wateai-kola, koo tene yakamanga yane tupa andeakale loto, Polo Banapasa-la, okonelapo-mane kokoli mindi puato, liyambana kenenga kangalamu ateane tupa tanda lo tepa maiyu, liyamba Andiyoko tano oko tepa wato, Aikoniame tano okona peapilipia.

Lomo 10:21

Aisayato wandakali utupane andayo wuane leane tekeko, balato pii mindi Goteto Isatale tane wandakali tupa andayo leane oko pepa peyoto, ole dindi lo utulu otongapi, nambato Isatale tane tupa molo-peke lokale nembo toto, kii pundi pua moto, maliyo atewane tekeko, utupane yakama tuu pua atoto, nambana pii tanga lo ateaini leaipia.

Lomo 10:8

Gotena pii pepa pelene eya mindimane loto, Gotena pii layene epene okone nimbana nembo-tene okola, ambulini okola, okone-laponga yoto, nimba mandaka eya lo pepa pelene eya.

Iputu 1:3

Iwanane oko bala Gote ateya mindiki okonepene teke atoto, Gotena tii-pene oko andawa lalane. Minditaka eya tupa koyolane loto, Jisasato balana pii tai-lene okomane minditaka eya tupa pitaka minatawa atalane. Balato wandakali tupana koo tupa apoyale piape peane oko pikoyo piyu, ati kenga kiŋi tai-lene wetete okona sia toko yane okona kii tikasa peteaipia.