Lapana Yane 10:3 - Ipili Nutestamene

³ Buku okone aitawa atoto, pusi kapua andane layone lene tupamane taimane ŋili-ŋili lalane pua balato pii taimane lea-kola, ati kulu yanasa leane tupamane balana pii okone yano peyoto, pii leai.

Lapana Yane 10:3 Iomraidhean Croise

Lapana Yane 14:2

Goteto wandakali (144,000) andete poti poa tausene utupane angu wamba bulupane kambo mea-kola, utupane yakama kiŋi pitiyane tokopi, minditaka saka atene tukumindi tupapi, ando atalaini akali tupapi, utupanena wenonga ateai. Ongane atoto, utupane-mane soŋo wenene mindi leaini tekeko, wandakali waka mindikipi mindimane soŋo wenene okone katulo mana mia napeai. Nambato ale ewa-kola, ati kenga atoto, soŋo leaini okone ipa andane mindi peakoto, oo kulu laa apowa lalane pua utupane-mane soŋo laa apowa leai. Ati kulu taimane lalane pua teke, utupane-mane soŋo taimane leaini oko wandakali kambua-mane gita kuai lo peyalaini okonepene gulea.

Lapana Yane 15:1

Okone angi, ati kenga kokoli andane waka mindi-pene mindi pea-kola, nambato okone andoto, moko andane lewa. Nambato andewa-kola, enjole yanasanga kenda-pene yanasa teke wandakalinga maulane tai-lene oko ya. Kenda-pene utupane wandakali tupanga epola-angi, Gotena yataka ene oko koyo pula-kola, matili kenda-pene waka mindi utupanenga naepolo-peya.

Lapana Yane 15:7

Gote saka atapowa atene okona yataka ene oko disa golo-mane waa-pene yanasanga tumbi latane atea-kola, minditaka saka atene tukumindi tupana mindimane disa yanasa utupane auwa epoto, enjole yanasa epeaini utupane disa mindiki-mindiki lo maya.

Lapana Yane 4:5

Kiŋi pitiyane toko okonena anda-pangosa atoto, yuu tapale puato, ati kulu lea. Kiŋi pitiyane toko okonena wenosa-tole ale yanasa too ateaini tupa Gotena sipitisa yanasa tupa ateainga andewa.

Lapana Yane 8:5

Pea-kola, enjole okonemane alata toko okona ita lengane yane tupa moto, tua tunduma peakale loto pauta yangalaini pelesa okone mo tumbi laya wato, yuunga ainena lea. Yuunga ainena lea-kola, yuu tapale puato, ati kulu lalu, yuu yundukumi minu dii-dee lalu, pea.