Lapana Yane 1:8 - Ipili Nutestamene

⁸ Wamba Akali Andane Gote tai wetete okomane loto, wamba ini bulupane wetete namba atewane. Matilipi, namba atapowa-atapowa atolo-peyawa leaipia. Gote mindiki okone teke bala wamba wete ateane, andipapi ateya, matilipi epolopeya.

Lapana Yane 1:8 Iomraidhean Croise

2 Kotini 6:18

Wuane lalu, namba yakamana ayiane oko atolowa-kola, yakama nambana wanane iwanane ima atolopeyai. Tai-lene tupa pitaka yene Akali Andane nambato wuane leyo leaipia.

Lapana Yane 1:11

Pii leane okonemane loto, nimbato andele tupa pitaka pepa peyo yata wato, Epesesapi, Semenapi, Pekemamapi, Taya-taitapi, Satisapi, Pila-telepiapi, Leyoto-siapi, tano utupanena sosa yanasa ateyai utupanenga pee lape leane.

Lapana Yane 1:17

Wuane pea-kola, nambato bala andoto, yuku-mane omoto, balana kene yane ongane omene tombawua lewa. Tombawua lewa-kola, balato balana kii tika oko nambanga yata wato, nimba yuku olene lea. Wamba Goteto yuu ati-la yakale nalenenga, namba ini bulupane wetete atewane oko atama ipulu, matili wetete namba oma napene, saka atapowa atolo-peyawa.

Lapana Yane 1:4

Namba Joneto Esia potopinjia tane sosa yanasa ateyai wandakali yakamana pepa oko peyo epe langeyo. Gotena pii tika pua lo pana yane akali Jisasa Kataisa oko bala wamba bulupane malinga ika lalu, yuu okona kiŋi ateyai tupa pitakana Akali Andane wete ateya. Balana Ayiane Gote wamba wete ateane, andipapi ateya, matilipi epolopeya. Jisasa Kataisa okopi, Ayiane Gote okopi, balana pitiyane toko okona mandaka ongane atalaini sipitisa yanasa tupapi, utupane pitaka-mane yakama ondowa moyoto, yakamana mini epene mindi pale laya yakale. Wamba Jisasato nanima epelewa yamapane yoto, balana tundupa okomane nanimana koo tupa apeane.

Lapana Yane 11:17

Lotu loto, utupane-mane bala lamawuato, Akali Andane Gote tai wetete, wamba nimba atene, andipapi atele leai. Wamba aitene wandakali tupamane yataka wete wato, yuu okona wandakali tupa minu koyaka piki pua ateai. Wuane tekeko, Andipa nimbato yataka wato, wandakali koo utupane minu koyape-pene oto oko epo eya-kola, nimbato nimbana tai-lene andane oko tane moto, pitaka taka tewa bosa lo ando atele okonena, nanimato nimba wayu pele leyama. Wandakali omene tupa yapa lo tale pipe-pene oto oko epo eya-kola, nimbato nimbana piape piyaini potopesa akali tupapi, nimba yuku amawua atalaini wandakali tupapi, nimbana wandakali gene yenepi, nayenepi, utupane pitaka yole epene mindi maipe-pene oto oko epo eya teke.

Lapana Yane 15:3

Wuane pua atoto, wandakali utupane-mane Sipisipi Andopane okola, Gotena piape akali Mosesa-la, okone-lapona soŋo oko loto, Akali Andane Gote, nimbanga tai-lene tupa pitaka eya-kola, nimbato piape andane tupa pitaka kuai lo wete pilini leai. Nimba wandakali yame palu peya tupa pitakana kiŋi atoto, pii enene oko wato minuto, mana epene tika-pene tupa minu atalene.

Lapana Yane 16:14

Sipitisa koo utupane-mane katulo metekolo piape mindipene-mindipene tupa pua ateai. Gote tai-lene wetete okomane wandakali tupa yapa lo tale pulu epola-angi, yuu pitakana kiŋi tupamane yanda pulu epeakale nembo toto, sipitisa koo utupane-mane kiŋi utupane pitaka mo amunguli pulu peai.

Lapana Yane 16:7

Wuane lea-kola, mindimane alata toko okona mandaka atoto, pii mindi leane oko loto, Akali Andane Gote tai-lene wetete nimbato mana epene tika-pene oko wato minuto, wandakali tupa yapa lo tale puato, pii enene oko lalene lea.

Lapana Yane 19:15

Aitene wandakali tupa yoko oyale kandepa nene atene mindi balana nee asianga apu latane atea. Balato utupane yokowa sia minuto, muli aene-mane waa-pene mindi auwa atoto, wandakali pitaka taimane bosa lo ando atolopeya. Ipane yoo penge lalaini yuli andane mindina getepe dini minditupa yola-kola, akali okonemane dini utupane balana kene-mane ango wato, utupanena ipane tupa penge lolopeya. Getepe ipane epola oko Gote tai-lene wetete okona yataka ene oko makande peya.

Lapana Yane 19:6

Balato wuane lea-angi, nambato ale ewa-kola, ipa andane mindi epo peakoto, oo lalane wuane pua teke wandakali kambua epo amunguli puato, pii taimane leaini oko ati kili-kulu taimane lene gulea. Utupane-mane pii mindi leaini oko loto, nanimana Akali Andane Gote tai wetete okomane wandakali pitaka bosa lo ando atalane loto, balana gene oko laiyu lamakale leai.

Lapana Yane 2:8

Wuane lalu, Akalina Iwanane gulene akali okonemane pii mindi leane oko loto, nimbato Semena tano okona sosa ateya okona enjole ateya oko pii mindi lamawuato, pepa mindi wua lo peyape lea. Namba wamba bulupane tewa atama ipulu, matilipi atapowa atolo-peyawa. Wamba namba omalu, saka atolo-peke lewa. Andipa nambato pii oko nimba langeyo.

Lapana Yane 21:22

Akali Andane Gote tai-lene wetete okola, Sipisipi Andopane okola, okonelapo Jutusaleme tano wenene okona lotu anda ateapi. Tene okonena, tano okonena lotu anda waka mindi ata napea.

Lapana Yane 22:13

Namba wamba ini bulupane wetete atewane oko mee atama ipulu, minditaka waka tupa pitaka sia minuto, matili wetete atapowa atolopeyo. Namba minditaka eya tupa pitakana tene oko atoto, nambato piape pukale lalawane tupa pitaka pikoyo piyawane.

Lapana Yane 4:8

Minditaka utupane mindiki-mindiki lo papakane wataka ataka pene atea-kola, utupanena umbaini kengapi, papakane pangosapi, lene kambua wete tene ateai. Utulu otongapi utupane-mane oto mo mee ata napene, pii mindi laka puato, Akali Andane Gote balanga tai-lene wetete yene. Bala wamba wetete ateane oko, andipapi atoto, matilipi epolopeya. Bala epene wetete, epene wetete, epene wetete laka peai.