Lapana Yane 1:3 - Ipili Nutestamene

³ Goteto mangene minditupa pulupeya leane utupane pulane oto oko mandaka guleya. Tene okonena, Goteto wua pulupeya lo potopesa pii pepa peleyo dii lo andolai wandakali tupapi, pii okone ale alu, wato minulai wandakali tupapi, utupane epelewa atape-pene.

Lapana Yane 1:3 Iomraidhean Croise

Luku 11:28

Wuane lea-kola, Jisasato wanda okonena pii leane okone yano peyoto, enene, namba mandu yane wanda okone bala epelewa peteya tekeko, Gotena pii oko ale wato, balana mana wato minalaini wandakali tupa epele wetete ape-pene leaipia.

Lapana Yane 22:10

Wuane lalu, balato namba languato, minditaka wua pulupeya lo buku okona pepa pelene eya tupa wamba kapoyale wuane pulupeya lea. Wuane pulupeya okonena, Gotena potopesa pii pepa pelene eya utupa nimbato mo too napipe. Jia.

Lomo 13:11

Anu peakale nambato yakama languato, mana utupane wato minu atalapape leyope. Wamba bulupane tewa nanimato Kataisa lo bilipi lema-angi, Goteto nanima lamolo-peke lolopeya oto oko amonga wete yane tekeko, andipa oto okone mandaka guleya. Yuu undupi latane atapia oko koyo pima-pima peya-kola, yuu waa loyale peya-ko. Yakama mee limu palu atapowa ata napepe-pene. Jia. Andipa yakama ika lape-pene nembo teyai-ko. Nanimato undupi-lene okona mana koo tupa auwa tepa alu, Akali Andane tii-pene atalane okona mana epene tupa nanimana sia umbi guleakale nemboto, mana epene utupane wato minu atamakale.

1 Pita 4:7

Minditaka eya tupa pitaka koyo pulupeya oto oko wamba mandaka guleya okonena, yakamato pote kuai lo lamakale nembo talapape. Wuane nembo toto, yakamato kuai lo nembo toto, yakama tane pailo ando atalapape.

Lapana Yane 22:12

Enjole okonemane wuane lea-angi, Jisasato pii mindi leane oko loto, ale alapape lea. Namba wamba kapoyale epokale. Namba epolowa-angi, nambato wandakali pitaka yapa lo tale puato, utupanena mana tupa nembo toto, mindiki-mindiki lo yole mindi mauwakale.

2 Pita 3:8

Balato okonelapo yangokale lo maliyo ateya okonena, wandakali minditupa-mane loto, Akali Andane oko bala peke lokale lo potomisa pii leane tekeko, bala wamba ini peke naleya, okonde lalaini. Utupane-mane wuane lalaini tekeko, nambana yamapane yene yame, yakamato pii mindiki oko embesa naene, wua lo nembo talapape: Akali Andane okomane andeya-kola, oto mindiki angu mali tausene mindi gulalane. Dee, balato andeya-kola, mali tausene mindi ole mindiki angu gulalane nembo toto, balato mangene minditupa wamba ini kapoyale napiyane. Tene okonena, wandakali-mane loto, Akali Andane okomane mangene mindi pukale lo potomisa pii leane okone balato wamba ini pii napeya, okonde nalape-pene. Jia. Balato wandakali mindikipi mindi alu napeakale nembo toto, yakama towa wamba ini kepa na-alane. Jia. Wandakali pitaka yamapane peke leakale lo maliyo atoto, bala ati kenga atala yuunga ini kapoyale peke naleya.

Lapana Yane 22:20

Pii utupa leya akali okonemane enene wete, namba wamba ini kapoyale epokale leya. Balato wuane leya-kola, nambato bala lamawuato, enene, Akali Andane Jisasa nimba ipu leyo.

Matiyu 24:15

Pii oko dii lo andolai wandakali yakamato pii nambato andipa pepa peleyo oko wayumane nembo tape-pene. Jisasato pii mindi wamba potopesa akali Daniyele okomane leane okonena tako pua loto, matili wandakali yame waka tupamane owato gote mindi waa puato, Gotena lotu anda andane epene wete okona ate lolopeyai lea. Goteto andola-kola, owato gote okonemane lotu anda andane epene wete okone balana wenonga mo kalato ataya ola-kola pulupeya. Pepa oko dii lo andolai wandakali yakamato andolai-kola, minditaka koo wete okone lotu anda andane okona atolanga andolopeyai.

Lapana Yane 3:11

Namba wamba ini epokale-ko. Kiŋi-mane tangi anda piyaini nimbato molopele oko mindimane molane nembo toto, nimbato nambana piipi, mana epenepi, utupane wayumane wato minu atape.