Jone 8:51 - Ipili Nutestamene

⁵¹ Wuane tekeko, nambato pii enene wete mindi yakama langeyo. Wandakali mindimane nambana pii oko wato minu ateando, bala saka atapowa atolopeya lea.

Jone 8:51 Iomraidhean Croise

Jone 5:24

Nambato pii enene wete mindi yakama langeyo. Wandakali mindimane nambana pii oko ale wato, namba ati kenga atala yuunga puu leane Ayiane Gote oko lo bilipi leaindo, Goteto wandakali okone yapa lo tale napulu-peya. Jia. Wandakali okone bala omene gulalane mana oko tepa alu, saka atene tene mialu, matilipi saka atapowa atolopeya.

Jone 15:20

Piape akali mindimane balana piape anduane okona lipinga yale ata napiyane lo nambato yakama langewa oko nembo tatawa atalapape. Nambana pii wato mina na-piyaini wandakali tupamane yakamana pii oko wato mina napulu-peyai teke. Namba kenda-pene andane giyaini wandakali tupamane kenda-pene andane tupa yakama gulupeyai teke.

Jone 6:50

Ati kenga atalu, yuunga epeane betesa saka atene oko namba. Wandakali-mane betesa oko no atoto, oma napeakale nembo toto, betesa oko ati kenga atalu, yuunga epeane. Wandakali mindimane betesa oko neando, bala saka atapowa atolopeya. Yuu okona wandakali tupa saka atapowa ateakale nembo toto, betesa nambato utupane mauwakale oko nambana umbaini oko. Jisasato wuane lea.

Iputu 11:5

Wandakali mindimane Gote lo bilipi naleando, Goteto wandakali okone epele na-alane. Wandakali mindimane Gote ateya lo bilipi loto, Gote andawua lakae lo nembo toto, ayia pua ateando, Goteto wandakali okone bala epele wato, yole epene mindi bala maulupeya. Wuane pula-kola, wandakali okone bala Gote lo bilipi loto, bala ateyanga mandaka atola-kola pulupeya. Inokoto Gote lo bilipi lea-kola, Goteto bala oma napeakale nembo toto, bala ati kenga peakale lo meaipia. Ati kenga peakale lo mea-kola, wandakali-mane Inoko bala ayia pua ateaini tekeko, utupane-mane bala anda napeainipia.

Jone 8:12

Wandakali kambua lotu anda andane okonena ende anda-pangosa amunguli pua ateai-kola, Jisasato utupane lapone mana lamawuato, nambato yuu okona atoto, tii pua atalawane lea. Namba watama epolai wandakali tupanga saka atapowa ateakale lo ataya alane tii-pene okone yola-kola, utupane undupi pangosa epoko pua ata napulu-peyai. Jia wete lea.

Matiyu 16:28

Nambato pii enene mindi yakama langeyo. Matili wandakali oo ateyai utupanena minditupa wamba ini oma napene andolai-kola, Akalina Iwanane oko bala akali andane kiŋi mindi gulalu epola-kola, utupane-mane andolopeyai. Jisasato wuane lea.

Jone 8:52

Wuane lea-kola, Juta yame akali utupane-mane bala lamawuato, Apatakamepi, potopisa akali tupapi, utupane pitaka omeaini tekeko, nimbato nanima languato, wandakali mindimane nimbana pii oko wato minu ateaindo, bala saka atapowa atolopeya lele leai. Nimbato wuane lele okonena, andipa nanimato andeyama-kola, sipitisa koo mindi nimbanga ateya.

Jone 14:23

Wuane lea-kola, Jisasato balana pii okone yano peyoto, pii nambato yakama langeyo utupa namba tanena pii tupa jia lea. Namba ati kenga atala yuunga puu leane Ayiane okomane pii utupane namba langeya-kola, nambato pii utupane yakama langeyo. Namba towa epelewa yamapane yo ata napene wandakali tupamane nambana pii wato mina na-piyaini okonena, namba tane utupanenga andawa nalolo-peyo. Wandakali mindimane namba towa epelewa yamapane yo ateaindo, balato nambana pii wato minu atola-kola, nambana Ayiane okomane bala towa epelewa yamapane yo atolopeya. Namba Ayiane nalipa wandakali okonenga epoto, bala towa atu atolo-peyapa.

Jone 17:6

Wamba nimbato yuu okona wandakali minditupa yapa lo mee-kola, utupane nimbana yame ateakale lo nimbato wandakali utupane namba gee. Gee-kola, nambato nimbana mana oko utupanenga andawa lewa. Nambato pii nimbato namba langee tupa wandakali utupane lamaewa-kola, utupane-mane ale yai. Ale wato, wamba namba nimba towa atu atewa-kola, nimbato namba ati kenga atala yuunga puu leene lo utupane-mane bilipi leai. Andipa utupane-mane andeya-kola, pii mana nambanga eya tupa pitaka nimbato namba langeene ya lo andalaini. Nambato nimbana pii oko wandakali utupane lamaewa-kola, utupane-mane nimbana pii okone wato minalaini.

Iputu 2:9

Okone enene tekeko, Goteto nanima ondo wato, nanima pitakana koo tupa apoyale, Jisasa bala omeakale nembo teaipia. Wuane nembo toto, ole ukupini mindilapo bala enjole tupana aŋa napinga gulo ateakale leaipia. Wuane lea-kola, Jisasato nanima moyoyale tandaka nalu omeane mambele, Goteto bala laiyu loto, gene andane mindi mayane oko nanimato nembo teyama.