Jone 5:2 - Ipili Nutestamene

² Jutusaleme tano okona ende ana-mane pitane atene mindina asia lomba andane oko Sipisipi Asia Lomba lalaini. Asia lomba andane okonena mandaka ipa angini aŋako mindi pitiyane. Iputu pii loto, ipa angini okonena gene oko Betesata lalaini. Ipa angini okonena matenenga anda aiyakame yau pitane atalane.

Jone 5:2 Iomraidhean Croise

Jone 19:13

Wuane leai-kola, Pailateto Jisasa atu aiyu, gapomane anda okona kamaka poto, Jisasana kote okone yapa lo tale pukale nembo toto, bala toko mindina peteaipia. Bala peteane yuu okonena gene oko ana-mane waa-pene ama oko lene. Iputu pii loto, yuu okonena gene oko Gapata lene.

Jone 20:16

Wuane lea-kola, Jisasato Matiya leaipia. Balato wuane leane-angi, Matiya mopeke loto, Iputu pii loto, Laponai leaipia. Pii Laponai okone mopeke loto, nanimana pii loto, tisa lalamane.

Jone 5:3

Anda aiyakame yau utupane ongane ateyai-kola, wandakali lee koopi, kee koopi, papaka tambupi, siki pelene wandakali kambua tupa anda utupanena yalaini.

Jone 7:21

Wuane leai-kola, Jisasato utupane lamawuato, wamba Mosesato loo mindi yata wato, yakamato iwana mindi mandulai-angi, ole kitupasa pola-kola, balana yala-pene umbaini oko katu apia-maiyapape leaipia. Mosesato mana okone wamba bulupane yata nayaepia. Jia. Yakamana yumbane Apatakameto mana okone wamba bulupane yata ya-kola, Mosesato mana okone minu tai laya yaepia. Yakamato mana okone wato minuto, iwana mindi mandulai-angi, ole kitupasa pola-kola, balana yala-pene umbaini oko katiyaini. Iwanaŋa okona yala-pene umbaini kateakale lene ole kitupane lola okone Sambasa mindi yando, yakamato Sambasa loo oko kalo peyama nembo toto teke, iwana okonena yala-pene umbaini katu apia-maiyaini. Sambasa tupana yakamato iwana tupana yala-pene umbaini katuto, piape piyaini pua teke, Sambasa mindina nambato metekolo piape mindiki piwa-kola, anu peakale yakamato moko lapiaipe.

Aposolo 21:40

Wuane lea-kola, ami yanda yene ando atalane akali okomane, katu yalua leaipia. Wuane lea-kola, Polo bala lata toko kenga okona atoto, kini momonga puato, wandakali ateaini tupamane pii nalene, kondalapa leaipia. Wuane pea-kola, utupane-mane pii aŋakopi mindi nalene, wayumane alewa ateai-kola, Poloto Iputu pii loto, pii mindi utupane lamai-yaepia.

Lapana Yane 9:11

Yuu kundu koo nenanga wete okona enjole oko bala temala utupanena kiŋi atalaepia. Iputu pii loto, kiŋi okonena gene oko Apatone lalaini. Gitiki pii loto, balana gene oko Apalone lalaini. Nanimana pii loto, balana gene oko pitaka taka minu koyalane akali lalamane.