Jone 21:1 - Ipili Nutestamene

^1-4 Matili Saimone Pitapi, Tomasa gene mindi Ditimasa lene okopi, Galili disitiki okona tano Kena tane Natanialepi, Sepiti iwanane lapo okolapopi, Jisasana disaipolo waka utupanena lapopi, utupane yakama ipa angini Galili gene mindi Taipi-tiasa oko mandaka gulo ateai. Ipa angini okone mandaka ya-kola, Saimone Pitato disaipolo waka tupa lamawuato, namba pisa molo peyo lea. Wuane lea-kola, utupane-mane bala lamawuato, nanimapi nimba towa atu pisa molo maa leai. Maa lalu, utupane yakama sipi mindina peakaiyu loto, pisa molo peaini tekeko, utulu okonena, utupane-mane pisa mindikipi mindi mia napeai. Yuu waa lea-kola, balana disaipolo utupane-mane bala dee lapone andeakale nembo toto, Jisasa bala ipa angini okonena matenenga epo ateane tekeko, balana disaipolo tupamane akali ipa matenenga ateya oko bala Jisasa ateya nembo nateai.

Jone 21:1 Iomraidhean Croise

Matiyu 26:32

Yakamato wuane pulupeyai tekeko, Goteto namba malinga ika laya ola-angi, namba wamba ini ingane Galili disitiki okona polowa-kola, yakama matili epolopeyai lea.

Matiyu 28:16

Wamba Jisasato balana disaipolo masia tupa lamawuato, yakama Galili disitiki okona yuu wangiane mindina pulupape leane wangiane okonena peai.

Matiyu 28:7

Andalu, liyambato wamba kapoyale poto, balana disaipolo tupa lamawuato, Jisasa bala malinga ika lalu, wamba ingane Galili disitiki okona pala. Yakamato yuu okonena poto, bala andolo-peyaiko. Liyambato pii okone balana disaipolo tupa lamai-yapape lo nambato liyamba langeyo okoni leaipia.

Maki 16:12

[Matili Jisasa bala waka gulo epea-kola, balana disaipolo lapo akali Jutusaleme tepa alu poto, bala asininga andeapele-pia.

Maki 16:14

[Wamba Jisasa bala malinga ika lea-angi, wandakali minditupa-mane bala andoto, Jisasana disaipolo masia tupa lamai-yaini tekeko, utupane-mane wandakali utupanena pii okone bilipi naleainipia. Matili balana disaipolo utupane tomo no peteai-kola, bala epoto, utupane laiya loto, anu peakale yakama tuu puato, wandakali utupanena pii okone bilipi na-lapiaipe leaipia.

Maki 16:7

Yakamato Pitapi, disaipolo waka tupapi, utupane ateyainga poto, Jisasa bala Galili disitiki okona wamba ingane pala-ko. Balato lapia pua teke, yakamato yuu okonena poto, bala andolopeyai lo lamai-yapape leaipia.

Jone 21:14

Wamba bala malinga ika lalu, balana disaipolo tupamane bala andeakale nembo toto, ole lapoai balato utupane ateainga panakame epea. Bala ipa angini Galili okona matenenga panakame epea-angi, balana disaipolo tupamane ole tepone gulo bala andeai.

Jone 6:1

Wamba Jisasato metekolo piape tupa piki puato, wandakali siki pelene tupa mo atu yaka pua atea-kola, wandakali wete kambua-mane andeai. Andalu, matili Jisasa bala Galili ipa angini gene mindi Taipi-tiasa lene okona amo yangi pea-angi, wandakali kambua wetete bala watama epeai.