Jone 2:11 - Ipili Nutestamene

¹¹ Jisasa bala Galili disitiki okona tano Kena okona atoto, metekolo piape bulupane okone puato, balana tai-lene andane oko mo pana ya-kola, balana disaipolo tupamane bala lo bilipi leai.

Jone 2:11 Iomraidhean Croise

Jone 1:14

Gotena pii oko bala akali mindi gulo atoto, nanima aposolo akali tupana tombenenga epo atea. Nanimato andema-kola, bala Ayiane Gotena iwanane mindiki atoto, tai-lene wete atea. Goteto bala epeakale lea-kola, balato wandakali tupa ondo wete wato, wayumane moyo ateanga, nanimato andemane. Gotena pii enene oko balanga tumbi latane atea.

Jone 1:43

Anate-lene Jisasa bala Galili disitiki okona pokale nembo toto, Pilipi aiya pua andoto, nimba namba watama ipu lea.

Jone 1:50

Wuane lea-kola, Jisasato bala lamawuato, nimba ita piki tene okona atale okone angi, nambato nimba andalo leyo-ko. Tene mindiki okonena angu nimbato namba lo bilipi lelepe. Matili nambato piape okone sia minuto, piape andane wete tupa puluwa-kola, nimbato andolopele lea.

Jone 10:41

Yuu okonena atea-kola, wandakali kambua bala ateanga epeai. Utupane-mane pii mindi loto, enene, wamba Joneto bala tanena pii lea tupa mo tai laya wato, metekolo piape mindi napeane tekeko, Jisasato wua pulupeya lo Joneto pii leane tupa pitaka enene pii lea ya leai.

Jone 11:15

Yakamato namba lo bilipi leyama nayu bilipi lalapale nembo toto, namba bala towa atu ata napiwa-kola, bala wamba manda tapia. Wuane tekeko, nambato bala malinga ika laya olowa-kola, yakamato namba lo bilipi leyama nayu bilipi lolopeyai nembo toto, namba epele wete eyo. Andipa bala manda-tene eya okona nanima maa lea.

Jone 11:47

Lamai-yaikola, Patasai tupapi, pitisa akali kawane tupapi, utupane-mane akali kanjole tupa epeakale lo mo amunguli puato, akali okonemane metekolo piape kambua piyane leainipia. Balato metekolo piape kambua pua ateakale loto, nanimato ando kondemando, wandakali tupa pitaka-mane bala lo bilipi lolai-kola, Lomo tane gapomane ami tupa epoto, Juta yame wandakali nanima minu koyalu, nanimana lotu anda andane oko keao lo apolopeyai. Wuane pulaini nembo toto, nanimato anu piamape leainipia.

Jone 12:18

Lo tawe yai-kola, Jisasato metekolo piape okone peane lene oko ale wato, wandakali kambua-mane Jutusaleme tepa alu, bala malanda olo peai.

Jone 12:37

Wamba wete potopesa akali Aisayato Mesaya oko bala tai wete atolopeya nembo toto, Gotena pii minditupa pepa peleaipia. Balato pepa okone peyoto, wandakali-mane nambana piape tupa lee-mane andoto, nambana pii okona tene tupa kuai lo nembo toto, yamapane peke leaindo, nambato utupane mo atu yolo-peyawa leaipia. Wuane tekeko, wandakali utupane-mane yamapane peke naleakale nembo toto, Goteto utupanena lene minu undupi laya alu, utupane-mane balana pii okona tene nembo nateakale laya alu, piyane lo layene eya. Balana pii okone layene eya pua Goteto pea-kola, wandakali utupane-mane katulo Jisasa lo bilipi naleainipia. Wamba Aisayato Gotena pii waka mindi loto, Akali Andane okomane metekolo piape minditupa peane tekeko, apito bala tai wete ateya lo andeape. Nanimato wandakali tupa lamawuato, balato metekolo piape utupane piyane lema tekeko, apito nanimana pii utupane bilipi leape lo layene eya. Gotena pii layene okone enene guleakale nembo toto, Jisasato bala tane Mesaya oko ateya lo wandakali tupa andawa loyale metekolo piape kambua peane tekeko, wandakali kambua-mane balana metekolo piape utupane andoto teke, bala lo bilipi naleai.

Jone 16:30

Wandakali mindimane pii mindi nimba tipa napeya-kola teke, nimbato wandakali okone bala wua lo tipa puyale peya nembo toto, balana pii tipa pulane okone yano peyalene. Nimbato okonetaka tupa pitaka nembo talene okonena, nimba Ayiane Gote towa atu atalu, yuunga epeene ya lo bilipi leyama leai.

Jone 2:1

Jisasato Nataniale Pilipi-la, okonelapo ipulupa lenenga, ole lapo pea. Okone angi, Galili disitiki okona tano Kena tane akali mindimane wanda mindi kee lea-kola, Jisasana angini okomane andolo pea.

Jone 2:23

Juta yame wandakali tupa Pasopa tomo nalaini oto oko epeane okone angi, Jisasa bala Jutusaleme atoto, metekolo piape minditupa pua atea-kola, wandakali kambua-mane andoto, bala lo bilipi leai.

Jone 3:2

Utulu akali okone bala Jisasa peteanga epoto, tisa, Gote bala wandakali mindi towa ata napeando, wandakali okonemane metekolo piape nimbato pilini okonepene tupa katulo napulu-peya. Tene okonena, nanimato andeyama-kola, Goteto nimba tisa piape pulu puu leane ya lo nembo teyama leaipia.

Jone 4:46

Lameai-kola, bala Galili disitiki tano Kena okona lapone pea. Wamba bala tano okonena atoto, ipa enene oko mo waene gulaya yane. Jisasa bala Kena tano okonena lapone peane okone angi, gapomane akali kawane mindina iwanane oko Kapaneame tano okona siki oma-yene ya.

Jone 4:54

Jisasa bala Jutiya disitiki oko tepa alu, Galili disitiki okona epo atoto, metekolo piape lapone okone pea.

Jone 6:14

Jisasato metekolo piape okone pea-kola, wandakali tupamane andoto, enene wete, akali oko bala potopesa akali ati kenga atala Goteto yuunga epeakale lokale leane oko ya leai.

Jone 6:26

Wuane leai-kola, Jisasato utupane lamawuato, nambato pii enene wete mindi yakama langeyo lea. Yakamato namba aiya pima epeyai tekeko, namba Mesaya oko ateyo lo yakama andawa loyale, nambato metekolo piape andane minditupa piwa tupa nembo toto, yakamato namba aiya pima naepeyei. Jia. Nambato betesa kambua yakama mee giwa-kola, yakamato no embo apiai pua, dee lapone namakale nembo toto, yakamato namba aiya pima epeyai.

Jone 6:30

Wuane lea-kola, utupane-mane bala lamawuato, Gotena pii pepa pelene eya mindimane loto, balato ati kenga tawe betesa oko wandakali tupa neakale maiyane layene eya leai. Gotena pii layene eya okonemane leya pua teke, nanimana yumbane tupa wandakali napalene yuu okona ateai okone angi, Mosesato utupane betesa mana lene oko neakale maiki pea-kola, utupane-mane betesa okone naka peainipia-ko. Goteto nimba ati kenga atala yuunga puu leane lo nanimato andalapale nembo toto, nimbato metekolo piape anu-pene mindi pulape leai.

Jone 7:31

Amunguli pua ateaini wandakali tupana kambua-mane Mesaya oko epola-angi, balato akali oko sia minuto, metekolo piape kambua wete napulu-peya yalua loto, bala Mesaya okone ya lo bilipi leai.

Jone 9:16

Wuane lea-kola, Patasai yangi-mane loto, Jisasato akali okonena lee taya apiane okonemane Sambasa loo oko wato mina napipia yako. Bala Gote towa atu atalu, na-epea ya leainipia. Utupane-mane wuane leaini tekeko, Patasai yangi-mane pii mindi loto, akali okone bala koo piyane akali mindi atapia-yale, balato metekolo piape okonepene tupa katulo napipia-yale leainipia. Wuane loto, Patasai utupane-mane pii waka-waka loto, yame lapo gulo ateainipia.

2 Kotini 3:18

Nanimana lee-inga ima lapa-lapa mindimane ombo naene ateyama-kola, Akali Andane okomane Sipitisa ateya okona tii-pene oko nanimana lee-inganga epeakale lalane. Epeakale leya-kola, nanima balana tii-pene oko miama-miama poto, bala yale gulama-lama peyama. Wuaneko, wandakali-mane galasa andalaini pua teke, nanima andoto, Akali Andane okona tii-pene oko andalaini. Tene okonena, nanima yuku naene atoto, Gotena piape oko katulo piyamane.

1 Jone 5:13

Gotena Iwanane oko lo bilipi lalaini wandakali yakama saka atapowa atolo-peyama nembo talapale loto, nambato yakamana pepa oko peyo epe leyo.