Jone 19:1 - Ipili Nutestamene

¹ Okone angi, Pailateto ami yanda yene minditupa lamawuato, yakamato Jisasa kunju-mane peyalapa lea-kola, utupane-mane bala atu aiyu poto, ole kambuanga kunju-mane peleaini-pia.

Jone 19:1 Iomraidhean Croise

Matiyu 20:19

Omeakale lalu, akali yame waka tupamane bala lamba loto, kunju-mane peyalu, ita malamanda okona peyo yuka yakale nembo toto, utupane-mane bala akali yame waka tupana kininga maulu-peyai. Bala omola-kola, ole teponena, Goteto bala malinga ika laya olopeya. Jisasato wuane lea.

Luku 23:16

Tene koo mindi balanga ya napeya-ko. Ami yanda yene mindimane bala kunju-mane peleakale lokale. Peyola-kola, nambato bala tita lo tepa wakale leaipia.

Luku 23:23

Pailateto wuane lea-kola, wandakali utupane-mane pii taimane wete loto, Jisasa ita malanda okona peyo yuka aa leaini okonemane Pailatena pii leane okone ango yaepia.

2 Kotini 11:24

Gii waka-waka yaunga Juta yame akali minditupa-mane namba kunju-mane ole (39) paiyasa teponga pilisa peleai.

Iputu 11:36

Gote towa yanda-pene wandakali utupane-mane Gotena wandakali tupa andayo lamba loto, minditupa kunju-mane peyalu, minditupa sene ende tupamane andi loto, katapusa piyu, peainipia.

1 Pita 2:24

Nanimato mana koo minalamane tupa pitaka tepa alu, Gotena mana epene tika-pene tupa wato minu atalapale nembo toto, Kataisa bala tane umbaini okomane nanimana koo piyamane tupa mo aiyu, bala ita malamanda okona omeane. Yia sipisipi tupamane yakama ando atalane akali oko tepa alu poto, kewa epoko pua atalaini. Sipisipi tupamane wuane piyaini pua teke, wamba yakamapi yakamana tandini ando atalane akali oko tepa alu poto, keewa epoko pua atapiai. Wuane tekeko, yakama Gote towa kuai lo atalapale loto, Kataisa bala tandaka neane okonemane yakamana koo tupa apoto, yakama mo atu ya-kola, andipa yakama balana yame atolo-peke lamakale loto, peke lapiai.