Jone 13:8 - Ipili Nutestamene

⁸ Wuane lea-kola, Pitato bala lamawuato, andipapi, matili-matilipi, nimbato nambana kene wasa-wasa peya napula. Jia wete lea. Wuane lea-kola, Jisasato balana pii okone yano peyoto, nambato nimba wasa-wasa peya napewando, nimba katulo namba towa atu ata napulupele lea.

Jone 13:8 Iomraidhean Croise

Matiyu 16:22

Wuane lea-kola, Pitato Jisasa atu aiyu amonga yale poto, bala laiya loto, Akali Andane, Goteto nimba ondo wato moyola-kola, matili-matilipi kenda-pene okone nimbanga na-epeakale lea.

Matiyu 26:33

Wuane lea-kola, Pitato balana pii okone yano peyoto, akali waka tupa pitaka-mane nimbanga tungi peleyai oko auwu tepa alu, palaka peaindopi, matili-matilipi nambato wuane napulu-peyawa. Jia wete lea.

Matiyu 26:35

Wuane lea-kola, Pitato balana pii okone yano peyoto, namba nimba towa atu omape-pene guleandopi, okone atu tekeko, nambato nimba anda na-peyawane nalolo-peyawa. Jia wete lea. Wuane lea-kola, disaipolo waka tupa pitaka-mane wuane teke leai.

Jone 13:6

Wuane pima pulu, Saimone Pita peteanga pea-kola, Pitato bala tipa puato, Akali Andane, nimbato nambana kene wasa-wasa peyoyale pelepe lea.

Jone 13:9

Wuane lea-kola, Saimone Pitato bala lamawuato, wuane yando, Akali Andane nimbato nambana kene angu wasa-wasa peya napene, nambana kinipi, kawanepi, utupane pitaka wasa-wasa peya-gii lea.

Jone 3:5

Wuane lea-kola, Jisasato balana pii okone yano peyoto, wandakali-mane andopane mindi mandeya-kola, andopane okone bala wandakali atalane leaipia. Oli Sipitisa okomane wandakali mindi mandulu-peke leya-kola, wandakali okone bala Gotena yame ateya nembo toto, nambato pii enene wete mindi nimba langeyo. Goteto wandakali mindi ipa okola, Oli Sipitisa okola, okonelapo-mane mandulu-peke naleando, wandakali okone bala katulo Gotena yame ata napulu-peya.

Aposolo 22:16

Andipa anu peakale nimbato mee maliyo atelepe. Goteto nimbana koo tupa apia-geakale loto, nimba ika loto, ipa mia. Anana-yasato wuane lea.

Kolosi 2:18

Kulini kimbu piyane kungapuni tupamane nanimana umbaini mina mindiki leya-kola, nanimana kawane okomane nanimana umbaini tupa bosa lo ando atalane. Wuane piyane pua teke, Kataisa bala sosa okona kawane atoto, sosa oko bosa lo ando atalane. Balato wuane pua ateya-kola, Goteto sosa oko andane ateakale nembo talane pua, sosa oko andane gulo atalane. Wuane piyane tekeko, wandakali minditupa-mane Kataisa bala sosa okona kawane ateya lo bilipi laa na-piyaini. Wandakali utupane-mane yakama tanena nembo-tene wambane koo oko wato minuto, yakama lipinga yale ateyama nembo talaini. Wuane nembo toto teke, utupane-mane mee owato napinga gulo atoto, enjole tupa lo lotu lalaini. Lotu lo atoto, utupane-mane kombeya-mane minditaka andaima loto, pii kambua lalaini. Utupane-mane wuane puato, Kolosi tane wandakali yakamato wuane na-piyaini okonde lo yakama anda napi leakale lo yakamato ando konda na-piyapape.

Iputu 10:22

Balato nanimana umbaini oko ipa kaka-ene epene okomane wasa-wasa peyoto, nanimana koo tupa apea-kola, andipa nanimanga koo tene mindi naeya-kola, ateyama-ko. Goteto nanima moyolo-peya lo nanimato balanga tungi peyoto, mini epene palu atoto, bala ateyanga mandaka makale.

Lapana Yane 7:14

Wuane lea-kola, nambato balana pii okone yano peyoto, akali andane, nimba tane nembo tele okoni lewa. Wuane lewa-kola, balato namba languato, wandakali minditupa-mane kenda-pene andane kambua wandakali utupane mayai-kola, Sipisipi Andopane okona tundupa okomane yakamana tona luu tupa wasa-wasa pelea-kola, yakamana tona utupane ake wete peane lea.