Jone 12:1 - Ipili Nutestamene

¹ Ole wataka angu pola-kola, Juta yame wandakali tupamane Pasopa tomo nalaini oto oko epolopeya nembo toto, Jisasa bala Betani tano okona pea. Tano okone akali Lasatosa wamba Jisasato malinga ika laya yane okonena yuu tene oko ya.

Jone 12:1 Iomraidhean Croise

Matiyu 21:17

Wuane lalu, balato pitisa akali kawanepi, loo tupana mana andene akalipi, utupane ateakale loto, Jutusaleme tepa alu, Betani tano okona poto, palea.

Maki 11:11

Wuane lama poto, utupane yakama Jisasa towa atu Jutusaleme peakaiyu leainipia. Peakaiyu lalu, bala Juta yamena lotu anda andane okona ende anda-pangosa kolandaka loto, minditaka yane tupa pitaka andamo-nena pua andeane tekeko, nai andaka poyale pea-kola, Jisasapi, balana disaipolo alesa tupapi, utupane Jutusaleme tepa alu, Betani tano okona peke leainipia.

Luku 24:50

Matili Jisasato balana disaipolo tupa lamialu, Jutusaleme tepa alu, Betani tano okona mandaka yale peainipia. Yuu okonena atoto, Jisasato balana kini okolapo ya loto, balana disaipolo tupa belesini mindi mayaepia.

Luku 7:37

Okone angi, mana koo kambua minalane wanda mindimane Jisasa bala Patasai okonena andaka tomo no peteya nembo toto, wele tunduma-pene minditupa botolo epene wete mindina piti-pata mindi awua epeaipia.

Jone 11:1

Betani tano okona tane akali Lasatosa lene mindi bala siki oma-yene yaepia. Betani tano okone bala wanda Matiya, balana akini Mata-la, okone-lapona yuu tene oko yane.

Jone 11:43

Wuane lalu, Jisasato pii taimane loto, Lasatosa, nimba takita ipu lea.

Jone 11:44

Takita ipu lea-kola, wamba manda teane akali Lasatosa bala saka atolo-peke lalu, mali okona takita epea. Wamba bala manda tea-angi, wandakali tupamane bala mali puyale, balana kinipi, kenepi, kawanepi, utupane lapa-lapa minditupa-mane ombo wato, tongo peainipia. Bala malinga ika lea-angi, Jisasato wandakali tupa lamawuato, bala katulo epoko peakalenga, yakamato lapa-lapa tupa tita lo tepa alapa lea.

Jone 11:55

Okone angi, Juta yame wandakali tupamane Pasopa tomo nalaini oto oko mandaka gulea-kola, wandakali kambua-mane Gotena wenonga yakamanga koo tene mindi nayapia lakae lo nembo toto, wamba ini Jutusaleme peainipia.

Jone 12:12

Gotena pii pepa pelene eya mindimane loto, Sayone tano okona tane wandakali yakama yuku aa na-piyapape. Yakamana kiŋi oko bala yia dongi andopane mindina masianenga pitiyu epeya oko andalapa layene eya. Gotena pii pepa pelene eya okonemane wuane layene yane pua teke, anate-lene Jisasa bala yia dongi andopane mindi ayia pua moto, okonena pitiyu, Jutusaleme poyale, asini pea. Asini pea-kola, Pasopa tomo noyale Jutusaleme peaini wandakali kambua-mane Jisasa epeya lene oko ale wato, utupane-mane ita pama kembone tupa yando moto, Jisasa asininga malanda olo epeai. Epoto, utupane-mane pii taimane loto, akali epeya oko bala Isatale tanena kiŋi oko ateya leai. Akali Andane Goteto bala epeakale leya-kola, bala epeya. Goteto bala moyo ateakale. Nanimato Gotena gene oko laiyu lamakale leai.

Jone 12:20

Juta yame wandakali tupamane Pasopa tomo nalaini oto oko epea-kola, wandakali kambua Gote lo lotu loyale Jutusaleme peai. Wandakali utupanena minditupa Gitiki yame wandakali ateai.

Jone 12:9

Juta yame wandakali kambua-mane Jisasa bala Betani tano okona ateya lene oko ale wato, wamba balato Lasatosa malinga ika laya yane nembo toto, Jisasa, Lasatosa-la, okonelapo lapotaka andolo epeai.