Jone 11:5 - Ipili Nutestamene

^5-6 Gotena tai-lene oko wandakali tupanga andawa lokale nembo toto, Jisasato Lasatosa siki oma-yene eya lene ale wato teke, bala wamba kapoyale andolo puu napene, ole lapoai bala yuu ateane okonena mee maliyo atea. Jisasato Mata, balana akini Matiyapi, okone-lapona imalini Lasatosapi, utupane towa epelewa yamapane yo atalaepia.

Jone 11:5 Iomraidhean Croise

Luku 10:38

Jisasapi, balana disaipolo tupapi, tano aŋako mindina peai-kola, wanda Matato Jisasa lamawuato, nimba namba andaka tomo nolo bakale ipu leaipia. Ipu lea-kola, Jisasa bala Matana andaka poto, peteaipia.

Luku 10:40

Matiyato Gotena pii Jisasato leane tupa alewa petea-kola, Mata bala angu-mane tomo tupa yango mandeke puato, pii Jisasato leane tupa ale nayaepia. Jia. Piape kambua pulane ya-kola, bala angu-mane anu puato piape utupa pitaka puape lo, nembo kambua teaipia. Wuane nembo toto, balato Jisasa peteanga poto, Akali Andane, namba akini okomane namba moya napeya-kola, namba angu-mane piape utupa pitaka peyo oko nimbato anda napelepe. Matiyato namba moyakale, nimbato bala lamai leaipia.

Luku 10:41

Wuane lea-kola, Akali Andane okomane Matana pii leane okone yano peyoto, Mata, Mata, nimbato mangene waka-waka kambua piwa lakae lo nayuto, nembo kambua talene leaipia.

Jone 11:1

Betani tano okona tane akali Lasatosa lene mindi bala siki oma-yene yaepia. Betani tano okone bala wanda Matiya, balana akini Mata-la, okone-lapona yuu tene oko yane.

Jone 11:8

Wuane lea-kola, balana disaipolo tupamane bala lamawuato, tisa, Juta yame akali tupamane nimba ana-mane peyo ome loyale pipiai-ko. Nimbato yuu okonena dee lapone polape leai.