Aposolo 1:4 - Ipili Nutestamene

^4-5 Balato aposolo akali utupane atu amunguli puato, wamba nambato potomisa pii mindi yakama languato, matili Ayiane Goteto balana Oli Sipitisa oko yakama gulupeya lewa leaipia. Joneto wandakali tupa ipa-mane ipa peya-maiyane tekeko, ole kambua napola-kola, Goteto balana Oli Sipitisa okomane yakama ipa peya gulupeya-ko. Yakamato Jutusaleme kapoyale tepa naene, maliyo atalapape leaipia.

Aposolo 1:4 Iomraidhean Croise

Luku 11:13

Andopane tupamane minditaka epene mindi gii leaindo, yuu okona ayiane koo tupa yakamato minditaka epene gii lolai okone maiyaini. Wuane pua teke, wandakali mindimane Oli Sipitisa gii leaindo, ayiane ati kenga ateya okomane yuu okona ayiane tupa sia minuto, Oli Sipitisa okone epelewa malupeya. Jisasato wuane leaipia.

Luku 24:49

Yakamato pii okone wandakali pitaka lamai-yapale nembo toto, wamba nambana ayiane okomane potomisa pii mindi yakama languato, matili nambato Oli Sipitisa oko yakama gukale lea okoni. Nambato Oli Sipitisa okone yakamanga epeakale lolowa-kola, bala ati kenga atala epoto, yakama minu tai laya olopeya-ko. Oli Sipitisa okone yakamanga epeakale loto, yakama Jutusaleme tano okona maliyo atalapape. Oli Sipitisa oko epola-kola, yakamato nambana pii oko wandakali pitaka lamalu pulupape. Jisasato wuane leaipia.

Jone 14:16

Yakamato nambana pii wato minu atolai-kola, Oli Sipitisa okomane nambana panda moto, yakama moyo atapowa ateakale loto, nambato Ayiane Gote oko tee lolowa-kola, balato Oli Sipitisa okone yakama gulupeya.

Jone 15:26

Oli Sipitisa oko bala Ayiane Gote oko towa atu atoto, enene pii oko lalane. Nambato bala yakama moyolo epeakale lolowa-kola, bala yakamanga epolopeya. Bala epola-angi, balato wandakali tupa lamawuato, namba Gote Iwanane oko ateya lolopeya.

Jone 20:22

Wuane lalu, balato utupanenga poo loto, yakamato Oli Sipitisa oko mialapa lea.

Jone 7:39

Okone angi, Jisasa bala gene andane mindi mia napea-kola, Goteto balana Oli Sipitisa oko wandakali tupanga mai na-epea tekeko, matili bala lo bilipi lolai wandakali tupamane Oli Sipitisa oko molopeyai nembo toto, Jisasato pii okone wandakali utupane lamaiya.

Aposolo 10:41

Goteto wuane peane tekeko, balato Jisasa bala Juta yame wandakali pitakana wenonga mo pana nayane. Jia. Nanimato balana pii oko lamai-yapale loto, Goteto nanima makimi lea-kola, matili Jisasa malinga ika lea-angi, nanimato bala towa atu tomo ipapi nemane.

Aposolo 2:33

Wamba Dapitito pii mindi leane oko loto, Akali Andane Goteto nambana Akali Andane oko pii mindi lamawuato, nambato nimbana yanda-pene tupa nimbana pangosa ateakale lokalenga, nimbato nambana kii tikasa epo atape leaipia. Balato wuane leane tekeko, Jisasa bala ati kenga peane wuane pua, Dapiti bala ati kenga napeaipia. Jia. Goteto Jisasana gene oko laiyu loto, bala ati kenga epeakale lo moto, balana kii tikasa ateakale leaipia. Wuane lalu, wamba Ayiane Gote okomane potomisa pii mindi loto, Oli Sipitisa oko mauwakale leane okone balato Jisasanga mayaepia. Maya-kola, andipa Jisasato Oli Sipitisa okone wandakali utupanenga gae lala-kola, utupane-mane pii waka-waka leyai-kola, yakamato ale wato, andeyai okoni.