1 Timoti 4:3 - Ipili Nutestamene

^3-5 Owato pii lalaini akali utupane-mane pii lolai oko loto, akali yame yakamato wanda kee nalene kondalu, wanda yame yakama akali puu napene kondalu, piyapape lolopeyai. Gote lo bilipi lene wandakali nanimato Gotena pii enene oko kuai lo nembo teyama. Pii okonemane loto, wamba Goteto minditaka eya tupa pitaka yakale lea-angi, balato utupane pitaka epene teke-teke eya leaipia. Nanimato Gotena pii okone nembo toto, bala ando pote loloma-kola, tunduma-pene yame tupa pitaka epene wete yolopeya. Goteto minditaka yakale leane utupane pitaka epene teke-teke yakale lea-kola, nanimato utupanena mindi koo ya loto, mo apia napipe-pene. Goteto minditaka yakale leane mindi moloma-angi, nanimato bala ando wayu pele lalu, miape-pene. Gotena pii okonemane nanima languato, yakamato bala ando wayu pele loto, tomo balato yakale leane tupa pitaka nalapale nembo toto, balato tomo utupane pitaka yakale leane leya. Gotena pii okonemane wuane leya tekeko, owato pii lalaini akali tupamane Gotena pii okone awua tepa alu, tomo utupanena minditupa nanene kondalapa lolopeyai.

1 Timoti 4:3 Iomraidhean Croise

Matiyu 14:19

Tomo utupane awua epeai-kola, balato wandakali tupa lamawuato, yakama tani tupana pitiyapa lea. Peteai-kola, balato betesa yau tupapi, pisa lapo okolapopi, utupane moto, ati kenga andaiyu loto, Gote wayu pele loto, betesa tupa konde lea. Konde loto, balana disaipolo tupa maya-kola, utupane-mane tomo tupa tale puato, wandakali tupa neakale mayai.

Matiyu 15:11

Wandakali-mane minditaka mindi nee asianga mo aindaka loto, nalaini okomane wandakali okone Gotena wenonga mo kalato ataya na-alane. Jia. Minditaka mindi wandakalina nee asianga ato kamaka epalane tupamane Gotena wenonga bala mo kalato ataya alane lea.

Matiyu 15:36

Peteai-kola, balato betesa yanasa tupapi, pisa tupapi, utupane moto, Gote wayu lalu, utupane konde lea. Konde loto, balana disaipolo tupa maya-kola, utupane-mane tomo utupane tale puato, wandakali tupa neakale mayai.

Luku 24:30

Andaka pituto, matili akali okonelapo towa tomo noyale, Jisasato betesa mindi moto, Gote wayu pele lo pote lalu, betesa okone konde loto, akali okonelapo neakale maiyapia.

Aposolo 27:35

Wuane lalu, Polo balato betesa moto, utupane pitakana wenonga Gote ando wayu pele lalu, betesa okone konde loto, nea.

1 Kotini 6:13

Tomo wandakali-mane nalaini tupa utupanena tombene okona poto paleakale nembo toto, Goteto tomo utupane yakale lalu, wandakali tupana tombene tupa waa peane tekeko, matili balato tomo tupapi, wandakali tupapi, lapotaka koyo piya olopeya. Okone enene tekeko, Goteto Akali Andane oko malinga ika laya yane wuane pua teke balana tai-lene okomane nanima malinga ika laya olopeya. Balato nanimana umbaini tupa waa peane angi, pamuku pua atalapale nembo natea. Jia. Nanima Akali Andane okona yame atalapale nembo toto, balato nanimana umbaini tupa waa peane.

1 Kotini 8:8

Nanimato owato gote tupa Gote enene ata napeyai nembo toto, minjuni opa maiyene tupa nemando, Goteto nanima yapa lo tale puato, nanimato Kitisene waka tupa sia mineyai nembo natolo-peya. Jia. Nanimato minjuni okonepene tupa nanene kondemando, balato nanima yapa lo tale puato, nanima Kitisene waka tupana napinga ateyama ya lo nembo natolo-peya teke.

Kolosi 2:16

Wamba Juta yame wandakali tupamane tomo ipapi utupanena minditupa nanene konda yainipia. Dee Sambasa angipi, ana wenene peke leya-angipi, gii andane waka minditupa epeya-angipi, gii utupane epeya-kola, Juta yame wandakali tupamane lotu lalainipia. Utupane-mane wuane piyaini okonemane minditaka angini oko matili epolopeya lo makande pua piyaini tekeko, minditaka angini okone Kataisa bala epeaipia. Tene okonena, wandakali mindimane yakama languato, tomo ipapi utupanena minditupa naa na-piyapape leandopi, lotu oko angi lalapape leandopi, yakamato balana pii okone ale wato, wato mina na-piyapape.

Kolosi 3:17

Dee, yakamato Akali Andane Jisasana mana wato minuto, pii lolai tupapi, piape pulai tupapi, utupane pitaka pua atalapape. Wuane pua atoto, yakamato balana gene oko loto, Ayiane Gote oko ando wayu pele lalapape.

1 Timoti 2:4

Gote mindiki angu ateya. Wandakali pitaka-mane balana pii layene enene tupa pitaka ale olai-kola, balato wandakali utupane pitaka taputi pua mokale nembo teya. Gotepi, nanima yuunga wandakalipi, nanimana tombenenga akali mindiki angu ateya. Akali okone bala Jisasa Kataisa. Balato angu nanima Gote towa mina mindiki lalane.

1 Timoti 5:14

Wanda yalo utupane Gotena mana epene tupa awua tepa alu, Satanena mana koo tupa wato minalaini. Koo tene mindi wanda yalo tupanga yando, Kitisene tupa towa yanda-pene wandakali tupamane sosa oko andayo pii koo lolane asini mindi yolopeya. Yanda-pene tupamane pii koo lolane asini mindi nayakale nembo toto, wanda yalo saka yale pitulaini tupa akali waka tupanga poto, andopane manduto, yakamana anda tupana pailo ando pitipiai lakae lo nembo teyo.

Iputu 13:4

Goteto pamuku pima epoko piyaini wandakali tupa yapa lo tale puato, yole koo mindi malupeya. Tene okonena, akali-mane wanda kee lalu, wanda-mane akali pulu, piyaini mana okone epene tika-pene yakale loto, wetene, akalini-la, mina mindiki lo pitiyaini mana okone minu koya na-piyapape.