Psalms 99:3 - Iñupiatun Mumiksat Uqalugiksuat

³ Nanġaġlirruŋ kamanaqtuaġlu aliuġnaqtuaġlu atqa. Ilaa Salumaruaguruq!

Psalms 99:3 Iomraidhean Croise

Psalms 100:4

Isiġitchi Aŋaiyyuvikpaum upkuaŋisigun quyyatiqaġlusi; siḷataanuglusi nanġaġlugu ilaa. Quyyavigisiuŋ ilaa suli nanġaqsiuŋ atqa.

Psalms 103:1

Nanġaġli Ataniq, iḷitqusimaaŋ! Iluqaqpiuraŋanik irrusiġma, nanġaġli salumaruaq atqa!

Psalms 111:9

Tasuqsaqtaupkaŋagaich iñugirani suli isuksraiḷaamun inniaqtuamik sivunniuġunmik inillaivḷuni. Salumaruaguruq suli qiksiġñaqtuaguvluni ilaan atqa!

Psalms 145:17

Ataniq nalaunŋaruaguruq piḷġusipayauramiñi, suli nagliktauruq surġausipayaamiñi.

Psalms 66:3

Uqallauttuuŋ God, “Qanutun aliuġutchagnaqtigirut sut ilvich savaatin! Suaŋŋatinkiuvva kamanaqpaił̣ł̣uni akiḷḷiitin unnii uulillarut sivuġaġni iqsivaił̣ł̣utiŋ.

Psalms 76:1

God una iḷisimagaat Judah-mi; ilaan atqa qiksigirauruq Israel-mi.

Psalms 76:12

Atchiksiḷipkaġaġigaich irrusiŋi kamasaaġuuruat atanaurat; suli tatamaalapkallagaich kamanaqtuat umialgich nunami.

John 17:11

Aasii paŋmapak nunamiinŋaigaqsiruŋa, aglaan iliŋich nunamiittut, aasii ullaaqsigikpiñ. Piḷuutaitchuatiin Aapa, qaunagikkich ilivich suaŋŋatipkun iñuich qaisatin uvamnun, atautchisun itqulugich atausiŋŋuummatiptiktun.

Deuteronomy 28:58

“Iḷumutuuġusi kamagiŋitkuvsigiŋ God-im iḷisaurrutipayaaŋi aglausimaruat ukunani makpiġaani suli qutchiksuaġiŋitkuvsiuŋ aliuġnaqtuaq qaariñaqtuaq atqa Atanġum God-ivsi,

Deuteronomy 7:21

Tainnamik sivuuġaginagich tamatkua iñuich, Atanġum God-ivsi nayuġaasi; ilaakii kamanaqtuaguruq God sivuuġagiraksraułhaaqtuq.

Revelation 4:8

Aasii taapkua uumaruat savaat sisamauruat, ilimikkullaa itchaksrallaanik isaġuqaŋarut, irisuŋaiññauvlutiŋ isaġuŋich iḷuliñaaŋisigullu siḷaliñaaŋisigullu. Aasii atuŋaiyuiñŋarut uvlukkaluami unnuamiḷu, Piḷuutaitchuq, piḷuutaitchuq, piḷuutaitchuq Ataniq God sapiġñaqtuaq, inŋaruaq ittuaġlu qaiyumaaqtuaġlu.

1 Samuel 2:2

“Allamik salumaruagitchuq Ataniqtun; allamik piitchuq ilaatun ittuamik, qaunaksrimik piitchuq allamik God-iptiktun ittuamik.