Psalms 9:9 - Iñupiatun Mumiksat Uqalugiksuat

⁹ Ataniq illuvigiraġigaa nagriaġirauruam, ini navianaitchuaq iluiḷḷiuġutiqaqtuni.

Psalms 9:9 Iomraidhean Croise

Psalms 108:12

Ikayuqsigut akiḷḷiptigniñ; iñugruiññam ikayuutaa anniqsuutaulaitchuq.

Psalms 142:4

Qiñiġaaqama saniġamnun, tautuŋitchuŋa kimikunnii ikayuqtiksramnik, annaksaġviksraiññiqsuŋa. Kia unnii suliqutigiŋitkaanŋa.

Psalms 18:2

Ataniq munaqsrigigiga; suaŋaruaq annaksimaaġviga. God-iga sapunniaqtiga, Ilaaniinnama navianniuyuitchuŋa. Sapunniaġuugaaŋa akkiaġautituqtuatun; piyaquqsaiḷivluŋa annaummavigalu.

Psalms 20:1

Atanġuptuq kiulisin iluiḷḷiuġniġni! God-iŋatalu Jacob kuttaqsaiḷiḷutin!

Psalms 32:7

Ilvich iriqtuġvigigikpiñ; annautiniaġigma iluiḷḷiuġunmiñ. Nipatuluŋa atuutiginiaġiga annaurrutin, uvvakii annautigigma.

Psalms 37:39

Atanġum annautisuugai iluaqtualiqirit annaksimaaqtiłługich iłuiḷḷiuliġmata.

Psalms 46:1

God uvva uqqisimaaġvigigikput suaŋŋatigivlugulu, itqanaitchuq ataramik ikayuġumavluta iluiḷḷiuġutiptigni.

Psalms 46:7

Atanġum Sapiġñaġniqsrauruam nayuġaatigut; God-iŋa Jacob-gum uqqisimaaġvigigikput.

Psalms 48:3

God iḷitchuġipkaiŋaruq navianaisilaaŋa ilimiñiittuni isiġmiuvluni uqqisimaaġviŋiññi iniqpaum.

Psalms 50:15

Ququulaŋŋa iłuiḷḷiuġun qaikpan; annautiniaġikpiñ, ilviḷḷi nanġaġniaġigma.”

Psalms 62:8

Ukpiqqutiqaġitchi God-mik ataramik, iñugiramaaŋ. Uqautilugu iluiḷḷiuġutipayaaġnik, atakkii annaksimaaġvigigikput.

Psalms 67:5

Iñuich nanġaġlisin, ilvich God-auruatiin; iluqaqpiuraġmiŋ nanġaġlisin!

Psalms 7:9

Ilvich kii iluaqtuaguvlutin God-aurutin qanuġitilaaġaġigitin isummativullu uummativullu, Nutqaqtitkich piaqłuktautiŋich pigiitchualiqirit suli iluaqtualiqiruat navianniuqtinŋaiġḷugich.

Psalms 96:10

Uqautilugich nunaqpauruat, “Ataniq umialguniḷugu! nuna inillaktauŋaruq payaŋaił̣ł̣ugu suli aulayyagnaġumiñaitchuq; isivġiġñiaġaich iñuich nalaunŋaruakun.”

Psalms 98:9

sivuġaani Atanġum, qaiñiaqtukkii atanniqsimayyaġlugu nuna. Isivġiġniaġaich iñuŋich nunam pitqiksiġautaitchuakullu nalaunŋaruakullu.

Proverbs 18:10

Atanġum atiŋa ittuq anayanaitchuatun nasiqsruġviktun, nalaunŋaruat annaksimaaġviksraŋatun.

Luke 13:34

Jerusalem-miut. Yaqhii Jerusalem-miuguruasii, tuquġairuasii uqaqtiŋiñik God-im uyaġagniglu miḷḷuuqługich tamatkua God-im tiliraŋi iliŋnun. Qanutun akulaisigilugu katitchumiñaġaluaġaġigivsi iluqasi atautchimun, tiŋmiatun katitchiruatun piayaamiñik isaqquŋmi ataaŋnun, aasii tainna pitqulaitchusi.

Deuteronomy 33:27

God-im iñiqługu nayuqłusi piyaqquqsaił̣igaasi; iñiqługu talliŋmiñik akkiqsimaaġaasi. Uŋugrugiugaqługich akiḷḷisi sivunmuktuŋŋavsi, uqautimmivḷusi suksraapiaquvlugich tamatkiġḷugich.

Hebrews 6:18

Taapkuŋnuuna malġukkun allaŋŋulaitchuakkun, unniqsuqłiisikullu nalupqinaiyautikullu, God arguanaiŋaruq sagluyumiñaisilaamiñik. Uvagulli annaksaŋaruaguut qamannirviŋmun God-mun piyumalaaġusiqł̣uta piññaktaaġiyumavlugu annaun aitchuutigisukkaŋa.