Psalms 9:8 - Iñupiatun Mumiksat Uqalugiksuat

⁸ Atanniqsuiruq nunamik iluaqtuakun; isivġiiruq nunauruanik nalaunŋaruakun.

Psalms 9:8 Iomraidhean Croise

Genesis 18:25

Nalupqinaitchuq tuqutchiyumiñaitchutin patchisaiḷaanik piqatigilugich pasirauruanun. Tainna piyumiñaitchutin. Tainna pigaluaġuvich, patchisaiḷaat tatavsaqtauniaqtut iḷaulutiŋ pasirauruanun. Taamna nalautitchumiñaitchuq. Isivġiqtiŋa nunapayaam savaktuksrauruq nalaunŋaruakun aŋalatchiḷuni.”

Psalms 10:16

Ataniq-kii umialguruq taimuŋa isuksraiḷaamun. Tamatkua nanġairuat allanik god-inik tammaġniaqtut maaŋŋa nunamigniñ.

Psalms 29:10

Atanġum atanniqsuġai itiruat immat; atanniqsuiruq umialguvluni isuitchuamun.

Psalms 50:6

Qiḷaich unnii nalunaiqsruġaat God iluaqtuagutilaaŋa, ilaakii God isivġiirauruq.

Psalms 94:15

Pitqiksiġautairrun iḷitqigñiaqtuq isivġiġvigñi, suli nalaunŋarualiqiraupayaaqtuat tunulliḷiqsuġniaġaat.

Psalms 96:13

Savaapayaaq quviasugli sivuġaani Atanġum, qaigumikii qaiñiaqtuq atanniqsuġiaġlugu nuna, Ilaata aŋalanniaġaich iñuŋich nunam iluaqtuakullu iḷumun ittuakullu.

Psalms 98:9

sivuġaani Atanġum, qaiñiaqtukkii atanniqsimayyaġlugu nuna. Isivġiġniaġaich iñuŋich nunam pitqiksiġautaitchuakullu nalaunŋaruakullu.

Psalms 99:4

Suaŋŋatiqpaqaqtuatiin umialiik, piqpagigiñ suna iluaqtuaguruaq; inillaiŋarutin pitqiksiġautaitchuakun aŋalatchiñiġmik Israel-mi; iluaqtualiqiniq qaipkaŋagiñ suli atunim aŋalatchiñiq.

Exodus 15:18

Ilvich, Ataniiq, umialguniaqtutin taimuŋa isuitchuamun.”

Acts 17:31

Qanuq ilaa nalunaiqsiŋaruq uvlumik, taivrumani ilaan isivġiġñiaqługich nunam iñupayauraŋi nalaunŋaruakun, piriqaġluni iñuŋnik ilaan piksraqtaamiñik. Ilaan nalupqinaiyaŋagaa iñupayaanun piksraqtaani aŋipkaqługu tuqqunmiñ.

Romans 2:16

Iñupayaat isivġiqsauniaqtut taivrumani uvlumi, God-im tilikpagu Christ Jesus isivġiqulugich iluqaisa nalunautchiaŋich iñuich. Tavra taapkua iḷagigaich tusaayugaaġiksuam alġaqsruutigikkaġama.