Psalms 9:5 - Iñupiatun Mumiksat Uqalugiksuat

⁵ Suksraaŋagitin piḷuusiqirauruat suksraunġiqł̣ugich piḷuktuaguruat; itqaġnaġumiñaiŋagitin atiŋich taimuŋaaglaan.

Psalms 9:5 Iomraidhean Croise

2 Samuel 17:23

Ahithophel iḷitchuġikami kamaginiaŋisilaamiñik, itqanaiqł̣ugu qimuktini utiŋaruq inimun aimaaġvigmiñun. Itqanaiyaqqaaqługich suġauttani, inmiñun qimiñŋaruq. Iḷuviŋagaat iḷamik iḷuvvivianun.

Psalms 149:7

akiiḷisaġlugich nunaqpauruat tatavsaqsaqługich iñuich;

Psalms 2:1

Summan makua nunaqpauruat sivunniuġaġivat paaqłaŋŋatiksraqsiuqhutiŋ? Summan iñuich suunnauyumiñaitchuanik sivunniuġuuvat?

Psalms 5:6

Suksraaqługich sagluturuapayaat naġġuksraqtuagurutin iñuaġumaruanik, iḷumuuġutaitchuaniglu iñugnik.

Psalms 7:12

Allaŋŋuŋisuaġmata piḷġutchimigniñ, God-im ipiksaġniaġaa savikpagikkani. Qilulugulu pisiksiñi pisiksaqsiññaaġuġlugu;

Psalms 78:55

Uŋunŋagaich nunaqpaugaluaqtuat, iñuni sivunmun iglaummata; aviktuagaqsivḷugich aasii nunaŋich maŋŋuuruanun Israel-mi kiŋuvaannaktaaġitquvlugich; aasii qaitchiġmivḷugich aimmiviŋich uŋuttami iñugmiñun.

Psalms 79:10

Summan nunaqpauruat apiġiniaqpatigut, “Nauŋ immaimña God-iksi?” Qiñiġukkiptigiñ tatavsaġupkich nunaqpauruat maqipkaŋammarruŋ auŋat kivgaġiraqpich.

Proverbs 10:7

Nakuuruat iñuich itqaumaniaġaich ikayuutiŋisigun, aglaan pigiḷḷiqirauruat atiŋi auniaqtut.

Proverbs 13:9

Nalaunŋasipkaqtauniq ittut naniqtun qaummatittuatun; pigiiḷḷiqirauruat ittut naniqtun qamiaqsiruatun.

Deuteronomy 9:14

Nutqaqtinnialanaŋa. Sivunniŋaruŋa suksraunġiġukługich itqaumanaġumiñaiġḷugich. Ilvich aasii aapaġuġlutin nunaqpagmun aŋiłhaaqtuamullu iliŋiññiñ.’

Revelation 19:15

Aullarriŋata qanġaniñ qaiŋaruq ipiktuaq savikpak akimmatiginiakkaŋa aŋuyakkumigich nunauruat. Ilaan atanniqsimaniaġai nunauruat suaŋŋatiqpaqapiaġataġluni anauttaqaġluni savił̣hamik umialgum anauttaŋanik. Ilaan ivsaiyaġniaġai grapes tunmaġlugich ivsaiyaiviani wine-liuġviata suamavluni qinnautaata Sapiġñaqtuam God-im.

1 Samuel 25:32

David-gum uqallautigaa Abigail, “Nanġaġli Ataniq, God-iŋa Israel, iliŋnik qaipkairuaq uvlupak kasuquvluŋa!

1 Samuel 25:39

David tusaagami Nabal tuqunivḷugu, uqallaktuq, “Nanġaġli Ataniq isivġiŋammauŋ Nabal, pisigivlugu pisaaŋasuuŋammaŋa, suli Atanġum kivgaġivluŋa killukuaqtaqtinŋił̣ł̣uŋa. Atanġum tatavsaġaa Nabal iñuupałługniŋa pisigivlugu.” Tavraasii David tuyuŋaruq katitchukługu Abigail.

1 Samuel 31:4

Uqallautigaa tigumiaqtiŋa satkumiñik, “Savikpaiñ isaglugu tuqunŋa, apkua nalunaiñŋutchiŋaitchuat sirguqtaunikun piyugiaqpiaġaanŋa.” Aglaan satkumiñik tigumiaqtiŋa iqsivaił̣ł̣uni tainna pisuŋaitkaa. Tavraasii Saul-gum savikpani tiguvlugu inmiñun kapivḷuni.