Psalms 9:1 - Iñupiatun Mumiksat Uqalugiksuat

¹ Nanġaġniaġikpiñ, Ataniiq, iluqaaġluŋa uummatimniñ; Uqausiġiniaġitka iluqaisa aliuġnaqtuat savaatin.

Psalms 9:1 Iomraidhean Croise

Psalms 106:2

Kia quliaganikkumiñaqpagich iluqaisa kamanaqtuat savaaŋich? Kia nanġaanikkumiñaqpauŋ naamaruamik?

Psalms 111:1

Nanġaqtauli Ataniq! Iluqaaġluŋa uummatimniñ quyyatiqaġniaqtuŋa Ataniġmun iluaqtualiqirauruat katitpata.

Psalms 138:1

Quyanaaġikpiñ Ataniiq, iluqaaġlugu uummatiga; Atuġniaqtuŋa nanġaġlutin sivuġaanni iñuuraqpaich.

Psalms 26:7

Atuqtuŋa quyyanmik uqausiġivlugiḷḷu aliuġnaqtuat savaatin.

Psalms 51:15

Ikayuŋŋa uqallallasiḷuŋa Ataniiq, aasii nanġaġniaġikpiḷḷi.

Psalms 7:17

Quyanaaġiga Ataniq pitqiksiġautairrutaagun; Atuqtuŋa nanġautinik Ataniġmun, qutchigniqsrauruamun.

Psalms 86:12

Nanġaġniaġikpiñ uummatiga iluġaaġlugu, Ataniiq God-igiraqpiñ; Quliaqtuġniaġiga kamanaqtuaguniġiñ isuitchuamun.

Psalms 9:14

makitallayumauŋa sivuġaanni Jerusalem-miut. Quliaqtuaġutilugich aasii supayaatigun nanġaġumiñaaqtuutipkun ilignun. Quviasugniaqtuŋa qanuq annautiŋagigma.

Luke 10:27

Ilaan kiuŋagaa, Piviuttaġipiaqsaġiñ Ataniq God-igikkan, piviuttaġilugu iḷuŋniñ, iluqaaniḷu iñuuniaġniġni, iluqaaniḷu piḷġusiġñi, iluqaaniḷu isumaniġni, suli piviuttaġiraksraġigiñ siḷalliñ iliktun iḷiuġlugu.

Hebrews 13:15

Taamna tainnainman, Jesus ikayuqtigilugu, nanġaqsimaaġlakput God, taamna nanġaiñiqput aitchuiñġummatun ittuq ilaanun, quliaqtuaġutilugich allat iñuich kamanautaanik.

Revelation 15:3

Tavra iliŋich atuŋarut atuutaanik Moses kivgaŋata God-im, atuutaaniglu Imnaiyaam uqaqłutiŋ, Ataniiq God Sapiġñaqtuatiin, qanutun kamanaqtigirut aliuġnaqtigirullu savaatin. Umialguruatiin nunapayauranun, qanutun nalaunŋatigirut iḷumun ittullu piḷġutchisin.