Psalms 85:8 - Iñupiatun Mumiksat Uqalugiksuat

⁸ Naalaġniruŋa qanuq Ataniq God-auruaq uqaġniaqtilaaŋanik; unniqsuqłiiŋagaatigut tutqiunmik, ilaan nanmiñiq iñugivluta, utiġvigiŋitkuptigik isumalluaġiił̣ł̣uta piḷġusikkaluavut.

Psalms 85:8 Iomraidhean Croise

Genesis 34:7

tikiayaammiullu Jacob iġñiŋi avaŋŋa nunamiñ. Tusaakamirruŋ, qaallaŋarut suli qinnalipiaġataqłutiŋ Shechem tainna savaŋaniġman suli pisaaŋŋatikun aŋalanniġmagich iñuŋich Israel payarivḷugu nalaqatigivlugu Jacob pania.

Psalms 130:4

Aglaan tavra suliqutigiŋaiġaġigivsigut, qiksiksrautiqallatquvluta iliŋnun.

Psalms 29:11

Ataniq suaŋŋatiksritchisuuruq iñugmiñun quviasuusiqł̣ugiḷḷu tutqiunmik.

Psalms 50:5

Uqallaktuq, “Atautchimuksigich iñutka uvamnun ukpiqtuat, tamatkua sivunniuqatigiŋaraanni aitchuivḷutiŋ ikipkaikamiŋ.”

Proverbs 25:11

Uqalulluatauruaq ittuq maniksun kaviqsuatun iḷuani qatiqtaam manium.

Proverbs 27:22

Piyukpakkaluaġupku tuqutqayaqtaallaan isumalluaġiitchuaq isumalluaġiiñŋaiġumiñaitchuq.

John 14:27

Qimaaqsikavsi tutqiqugivsi. Tutqigitchi uvaptun tutqiksuatun. Nunam iñuŋi tutqiutaitchut tutqiutipiamik tutqiutiqaqtirrutiptun ittuamik. Isumaaluutaittitchi iqsiñasiḷu.

John 20:19

Unnugiaġniŋani taavruma uvlum, tugliani uvlum Jew-guruat Savaiññiŋata, upkuat umiktuŋapkaqługich iḷitchitqurat irvianni, iqsivḷutiŋ Jew-guruanik, Jesus qaiŋaruq aasii makiłłuni akunġannun uqallautivlugich, Tutqiutiqaġitchi.

John 20:26

Tallimat piŋasut uvlut pianiŋmata, iḷitchitquraŋi iglumiinŋalgitchut, aasii Thomas itqatauŋaruq. Upkuat umiktuutiqaŋarut, aasii Jesus qaiŋaruq qikaqłuni akunġannun. Uqallaŋaruq, Tutqiutiqaġitchi.

John 5:14

Taavruma aquagun Jesus paqinŋagaa aŋaiyyuvikpaŋmi, aasii uqallautivlugu, Uumaa, iłuaqsirutin. Piḷuksitqigñak iḷaanni pigiił̣haaqtuam kasuqpiaġaatin.

John 8:11

Aġnam kiuŋagaa, Aaŋ Ataniiq. Aasii Jesus uqallautiŋagaa, Uvaŋaptauq isivġiŋitkikpiñ suksraunġiqsauyumiñaqsiḷutin. Aullaġiñ piḷuksitqigñak.]

Acts 10:36

Nalupqisuŋitchuŋa tusaaŋatilaavsiññik tusaayugaaġiksuanik sivuniqaqtuanik Israel-guruanun, ilaan piksraqtaaġivluta alġaqsruutigitquvlugu tutqiutiqaġumiñaqtilaaŋat God-mun Jesus Christ-guruakun, Atanġuruakun iñupayaanun.

Acts 3:26

Tavraasii God piksraŋaruq, aasii tilivḷugu kivgani ilivsiññun, sivulliġivlusi anniqsuġukłusi iluqasi isumalitqiksillusi piḷuktuaniñ piḷġusivsiññiñ.

Galatians 4:9

Aglaan paŋmapak iḷitchuġiŋagiksi God, naaggałhaaq God-im iḷitchuġiŋagaasi, summan aasii utiġukpisi aŋalatiqavsaaġniġmun pitquranik, iñugruiññaiḷḷu piḷġusiŋiññun nakuurualiqinikun, annaurriyumiñaitchuanun ilivsiññik?

Ephesians 2:17

Suli Christ tiliŋagai alġaqsruirini quliaqtuaġutitquvlusi aŋuyaŋaiġunmik God-mun, ilivsi Jew-guŋitchuasii uŋasiŋagaluaqtuasii God-miñ Jew-guruallu qanittuat God-mun.

2 Thessalonians 3:16

Paŋmapaktuq Atanġum tutqiutiqaqtitchiruam ilaata tainnatuttauq tutqiutiqaqtillisi ataramik qanusipayaami. Atanġum itqatigilisi iluqasi.

2 Timothy 2:19

Aglaan God-im iḷumun ittuaŋa allaŋŋulaitchuq, iłłuni aulayaitchuatun maŋŋuliutitun aulayyaŋnaġumiñaitchuatun. Aasii ukua malġuich uqaluich God-im aglaaŋi aglagivlugich, “Atanġum iḷisimagai ilaan iñuŋni,” suli, “Kiñaliqaa Atanġum iñugikkaŋa piḷuusiqiugaŋaiġḷi.”

Hebrews 12:25

Qaunagisitchi kamagisuglugu God uqaqtuaq. Qanuq taipkua kamaksriŋitchuat Moses-mik tatavsaqtauŋarut, uvagut tatavsaqtaułhaaġniaqtugut kamagisuŋitkuptigu God.

Revelation 3:19

Tamatkua piviuttaġikkatka, suaguugitka tatavsaqługiḷḷu, taamna pisigilugu kipiġniuġutisiŋa isumalitqigḷusiḷu.

1 Samuel 25:25

Suliqutiginagu Nabal, suksrauŋitchuq! Ilaa atiġmi sivuniŋatun—isumalluaġiitchuaq! Taamaniinŋitchuŋa kivgatin tikiñmata, aŋuun.