Psalms 83:3 - Iñupiatun Mumiksat Uqalugiksuat

³ Nalunaqtuakun sivunniuqtut akiḷḷiġivlugich iñugiratin; nalunaukkivḷutiŋ suyumaalliġaich piqpagiratin.

Psalms 83:3 Iomraidhean Croise

Psalms 10:9

Utaqqiuġaqtut iriġaqtuqhutiŋ iriqsimaruatun laiyaaluktun. Nikpaġaġigaich iḷiappauruat; qargisaqqaaqługich aasii kalikataaqsivlugich aullautivlugich.

Psalms 2:1

Summan makua nunaqpauruat sivunniuġaġivat paaqłaŋŋatiksraqsiuqhutiŋ? Summan iñuich suunnauyumiñaitchuanik sivunniuġuuvat?

Psalms 27:5

Iluiḷḷiuġnimni munaġiniaġaaŋa; anayanniuqtinniaŋitkaaŋa Aŋaiyyuvikpagmiñi inillagluŋa payaŋaitchuamun qutchiksuamun uyaġagmun.

Psalms 31:20

Iriġaġigitin navianaiññiŋanun nayuutiniqpich sivunniumaqłuutiŋiññiñ allat; navianaitchuamun uqqisimaaġvignun iriqługich pisaaŋŋataiññiñ.

Psalms 56:6

Katittaqtut iriqtuqłutiŋ supayaatigun naipiqtuqłuŋa, tuqutchumavluŋa.

Psalms 64:2

Munaġiŋŋa sivunniuġutiŋiññiñ piḷuusiqirit, iñugaaġrugniñ pigiiḷḷiqirauruaniñ.

Psalms 91:1

Kiñaliqaa uqqisimaaqtuaq Ataniġmi Qutchigñiqtauruami, minġuiqsiġñiaqtuq taġġaŋani Sapiġñaqtuam,

Exodus 1:10

Iḷaanni aŋuyakpata iḷaliutilutiŋ akiḷḷiptignun aŋuyakpiaġaatigut, aasii annaglutiŋ nunaptinniñ. Paqittuksraurugut sumik iñugiaksivsaaġnaiḷutauruamik iliŋiññun.”

Colossians 3:3

Qanuq tuquŋaruatun iñuktun ittusi iluqaiññun pigiitchuanun kipiġniuġutinun, iñuggurri iriqsimavluni piqatigivlugu Christ qiḷaŋmiittuaq, God-lu.

1 Samuel 13:19

Savił̣haliqiraiñŋaruq Israel-mi qanukkii Philistia-ġmiut sivunniŋarut Hebrew-guruat savikpaliuquŋił̣ł̣ugich naaggaunnii nauligaliuquŋił̣ł̣ugich.