Psalms 82:5 - Iñupiatun Mumiksat Uqalugiksuat

⁵ “Sumik nalurut, kaŋiqsisaiñmiut! Taaqtuakun piaġiitchuaḷiqirut; nalaunŋaruakun isivġiiñiq qiñiġnaiġutiŋaruq nunami.

Psalms 82:5 Iomraidhean Croise

Makpiġaaŋa Job-gum 8:9

Iñuusiq naitchuq, sunik nalupiallaktugut; taġġaqtun qaaŋiqsaaġaqtugut nunaqpak naasaaqługu.

Psalms 11:3

Susaqsaġumiñaitchuq una iñulluataq sunapayaaq suksraunġiqsauniaqsimakpan.”

Psalms 14:4

“Taimmaipkua naluvat?” Ataniq apiqsriruq. “Marra makua piḷuusiqirit tainnatun nalutigivat? Iñuuraqtut iñumniñ tigligaqtuaqhutiŋ, aŋaiyyulaiñmiut uvamnun.”

Psalms 53:4

“Naluvat makua?” God apiqsriruq. “Tamarra makua pigiiḷḷiqirit, tainnatun nalutigivat? Iñuusuurut tigligaiyugaqtuaqługich iñutka, suli aŋaiyyusuiñmiut uvamnun.”

Psalms 75:3

Iñuggutiqapayauraqtuat uulillakpata suli nuna aulayyagluni, maŋŋuŋich nayummiñiaġitka.

Psalms 99:1

Ataniq umialguruq, aasii iñuich uuliksiḷit. Aquppiruq qulaanni cherubim, aasii nuna aulali.

Proverbs 1:29

Iḷisimmatiqaġuŋiñŋarutin aasii qiksiksrautaiḷḷutin Ataniġmun.

Proverbs 2:13

Tamatkunaŋŋa tunuttuaniñ iluaqtuakun iñuuniaġniġmik, iñuusukhutik taaqtuaŋani piḷuutim.

Proverbs 4:19

Aglaan apqutaat pigiiḷḷiqirauruat taaqtuq unnuatun. Puukaġamik tautuyuitkaat putukkisautiktiŋ.

John 12:35

Jesus kiuŋagai, Uvaŋa qaummatauruaŋaa nayuutiuravsaallaŋniaqtuŋa ilivsiññun. Sivunmuktuġitchi qaummatiqaŋŋavsi, iḷaanni taaqsisiviaġaasi. Iñuk pisuaqtuaq taaqtuami naluruq suŋnamuktilaamiñik.

John 3:19

Aasii iñuich isivġiqsaurut qanuq qaummaq qaiŋagaluaqtuq nunamun, aasii iñuich piviuttaġiłhaaġaat taaqtuaq qaummaġmiñ qanuq piḷġusiŋich pigiitchuaguvlutiŋ.

Romans 1:28

Qanuq isummatigimmarruŋ kamagiraksraiññivḷugu God, ilaan ilaisituuqtinŋagai pigiitchuanun kipiġniuġutiŋiññun, piḷuusiqutinullu piḷġutchiñun.

2 Timothy 2:19

Aglaan God-im iḷumun ittuaŋa allaŋŋulaitchuq, iłłuni aulayaitchuatun maŋŋuliutitun aulayyaŋnaġumiñaitchuatun. Aasii ukua malġuich uqaluich God-im aglaaŋi aglagivlugich, “Atanġum iḷisimagai ilaan iñuŋni,” suli, “Kiñaliqaa Atanġum iñugikkaŋa piḷuusiqiugaŋaiġḷi.”

1 John 2:11

Aglaan iñuk uumikłiqsuaq aniqanmiñik taaqtuamiittuq, suli pisuaqtuq taaġmi, suli naluruq sumun iglautilaamiñik, qanuq taaqtuam tautuksipkalaitkaa.