Psalms 81:8 - Iñupiatun Mumiksat Uqalugiksuat

⁸ Tusaasitchi, iñugiramaaŋ, kiliktuutimnik; Israel-guruasii, naalaġnitquyumapiallakkaluaqtuŋa ilivsiññun!

Psalms 81:8 Iomraidhean Croise

Psalms 50:7

“Naalaksiñŋa, iñumaaŋ, uvva uqaaqsiruŋa; Uqausiġiniaġikpiñ paaqłaglutin, Israel-guruasii. God-auruŋa, God-iksi ilivsi.

Psalms 81:13

Qanuqtuq iñugiraġma naalaġniliñŋa; Israel-gumtuq kamagiŋaliŋa!

Exodus 15:26

Uqallaktuq, “Uvaŋa Ataniq God-iksi, kamagituiññaġuvsiñŋa iluqaanik kamagilugu iłuaġiraġa suli kamagilugich pitqutitka, tatavsaġniaŋitkivsi naŋirrutinik Egypt-miutun. Uvaŋa Atanġuruŋa, iłuaqsiriksi naŋirrunmiñ.”

Exodus 17:7

Ini atchiŋagaat Massah-miglu Meribah-miglu, qanukkii Israel-gum kiŋuvaaŋich uqaviḷuŋarut suli uuktuqługu Ataniq apiqsrikamiŋ, “Atanġum imña itqatigivatigut naakka itqatigiŋitpatigut?”

Exodus 19:16

Uvlaami piŋayuanni uvlut kallualaŋaruq suli igniġuuqpatitaqhuni, nuviyaqłuk nuiŋaruq iġġimi, suli nipatupiaġataqtuaq nipauqłuktaun tusaaŋagaat. Iluqaġmiŋ iñuich nullaummiruat uuliksiŋarut iqsiḷiqłutiŋ.

Numbers 20:13

Taamna nalautinŋaruq Meribah-mi, Israel-gum kiŋuvaaŋich uqamayugmata akiḷḷiġivlugu Ataniq suli qiñiqtillammagich ilaa qanutun salumaruagutilaamiñik.

John 3:11

Iḷumutupiaġataq uqallautigikpiñ. Uqautiqaqtugut iḷisimaraptiŋnik suli iḷitchuġipkairugut tautuŋakkaptigun, aasii akuqtuŋitkisi uqaluktuavut.

Acts 20:21

Jew-guruallu Jew-guŋitchuallu ativlugich kiliktuŋagitka isumalitqiquvlugich piḷuunmiŋniñ God-mun, suli ukpiquvlugich Ataniptiŋnun Jesus-mun.

Deuteronomy 32:46

uqallaktuq, “Kamagipiaġumagisi ukua pitqutipayaat qaitchatka uvlupak ilivsiŋñun. Qaaŋiqsillugit miqłiqtuvsigñun, ilaisali kamagipiaġumagai God-im iḷisaurrutait.

Deuteronomy 5:27

Utiġiñ, Moses, naalaġniyyaġiaġuŋ uqalupayaaŋiññik Ataniqput God uqautikpatin. Qaiḷutin aasii uqautiyyaġluta qanuq uqautikpatin, naalaġniñiaġikput kamagilugulu!’

1 John 5:9

Ukpiġillaguptigik iñuich quliaqtuaŋich, God-im quliaqtuaŋa ukpiġnałhaaqtuq. Tavraasii taapkunuuna piŋasutigun God-im nalupqinaiŋagaa Jesus inmiñun Iġñiġitilaaŋanik.