Psalms 71:5 - Iñupiatun Mumiksat Uqalugiksuat

⁵ Qutchigniqsrauruatiin Ataniiq, niġiukkutiga ilignukkiga; Ukpiġisaqapkiñ imma nutauŋŋaġma.

Psalms 71:5 Iomraidhean Croise

1 Kings 18:12

Ilitqusiata aasii Atanġum aullatiniqpatin nalunaqtuamun inimun aullaġluqqaaqtuŋa? Tavraasii, uqallautigupku Ahab maaniinniḷutin aasii paqinŋitkumisin, tuqunniaġaaŋa. Itqaumalutin uvaŋa ukpiqtuagutilaamnik Ataniġmun nukatpiaġruunimniñ-qaŋa.

Psalms 119:166

Upaluŋaitchuŋa annaurigisukłutin, Ataniiq, kamaksrivḷuŋalu piraksriutignik.

Psalms 119:81

Susallaipiallaktuŋa Ataniiq, annautitchiqsruqłuŋa iliŋnun; ukpiġutiga iliŋnun tuttitkiga.

Psalms 13:5

Nayummatigisuugiga tavra nuŋulaitchuaq nakuaqqutin; Quyyatiqaġniaqtuŋa, uvvaataŋ annautiniaġigma.

Psalms 39:7

Sumik, imma, niġiugaqaġniaqsimavik, Ataniiq? Niġiukkutiga ilignukkiga.

Psalms 42:11

Summan ipiqtusukpik? Isumaaluktuaqpiglu? Niġiukkutiga tutinniaġiga God-mun, Ilaa aasii nanġavsaagaqsiḷgiḷḷugu, annaurriga God-igalu.

Psalms 71:17

God iḷisautiŋagigma nutaunimniñqaŋa, uqausiġiŋaiyuitkitka aliuġnaġniŋat savaaqpiñ.

Luke 2:40

Tavra miqłiqtuq Jesus agliŋaruq saŋŋisivḷuniḷu, isumattusiqpakłuniḷu. Suli God-im iviġaummatigiŋagaa.

Romans 15:13

Taavrumatuq niġiuksruiruam God-im, quviasuutiqpaqaqtillisi tutqiutiqpaqaqtillusiḷu ukpiqsimaaġnivsiññi. Tavraasii qapiŋasiñiaŋitchusi niġiuktuallavsi, qapiŋaisaaqtiqaqłusi Ilitqusiġiksuamik iḷuvsiññiittuamik.

2 Timothy 3:15

Iḷisimammiutin miqłiqtuurauniġniñqaŋa iḷisausiaġiŋagitin God-im uqaluŋi. Taapkua uqaluich kaŋiqsipkaŋagaatin God-im annaurrisaanik ukpiġiruni Christ Jesus.

1 Samuel 16:13

Samuel-gum piŋagaa olive uqsruŋa aasii uqsruqtiqługu David saaŋanni aniqatiiŋisa. Tavraŋŋatchiaq iḷitqusiŋata Atanġum isiŋagaa David aasii nayuqługu tavraŋŋaaglaan uvlumiñ. Tavra Samuel utiŋaruq Ramah-mun.